ថៃ៖ កាលពីថ្ងៃទី២៦ ខែមិនា ឆ្នាំ២០១៩ កន្លងទៅថ្មីៗនេះ តារាសម្តែងប្រុសកំពុងមានប្រជាប្រិយភាព លោក Nadech Kugimiya បានធ្វើការផ្តល់កិច្ចសម្ភាសន៍ឆ្លើយឆ្លងមួយចំនួន ជាមួយនឹងអ្នកសារព័ត៌មាន ពាក់ព័ន្ធទៅនឹងការប្រគំតន្រ្តីផ្ទាល់ខ្លួនរបស់លោក «The Real Nadech Concert» ដែលនឹងត្រូវប្រារព្ធធ្វើឡើង នៅក្នុងពេលឆាប់ៗខាងមុខនេះ។
តួយ៉ាង ក្នុងនោះផងដែរ ខាងក្រុមសារព័ត៌មានក៏បានធ្វើការសួរសំណួរខ្លះៗ ទៅកាន់ Nadech ទាក់ទងទៅនឹងការរៀបចំShow សម្តែង ក៏ដូចជាការរៀបចំឈុតឆាកពិសេសៗសម្រាប់ធ្វើការពញ្ញាក់អារម្មណ៍ដល់អ្នកគាំទ្រផងដែរ។
ខាងក្រោមនេះ គឺជាការឆ្លើយឆ្លងរវាង អ្នកកាសែត ជាមួយនឹង Nadech៖
អ្នកកាសែត: «មានមនុស្សច្រើនណាស់ ពិតជារំភើបនៅពេលដែលឃើញ សាច់៦កង់យ៉ាងស្រស់សង្ហារបស់លោក នៅក្នុងPoster ផ្សព្វផ្សាយការប្រគុំតន្ត្រី។»
Nadech: «វាគឺជាផ្នែកមួយនៅក្នុងShowសម្តែងរបស់ខ្ញុំផងដែរ។ ខ្ញុំខំប្រឹងហាត់ប្រាណច្រើនណាស់ មិនចង់លាក់ទុកវាទេ។ ខ្ញុំនឹងបង្ហាញវានៅក្នុងកម្មវិធីប្រគុំតន្រ្តីរបស់ខ្ញុំ ហើយអ្នកទាំងអស់គ្នានឹងបានឃើញវាប្រាកដណាស់ ហើយចង់ដឹងថាខ្ញុំសម្តែងរបៀបណានោះ រង់ចាំមើលទៅទាំងអស់គ្នា។
ខ្ញុំពិតជារំភើបខ្លាំងណាស់ ពីព្រោះថាខ្ញុំមិនធ្លាប់ធ្វើវាពីមុនមកនោះទេ វាគឺជាការប្រគុំតន្រ្តីផ្ទាល់ខ្លួនរបស់ខ្ញុំ។ សម្រាប់ការហាត់សម ខ្ញុំមិនមានការព្រួយបារម្ភចំពោះវាឡើយ ពីព្រោះវាមានពេលវេលាច្រើនសម្រាប់ហាត់សម។ ខ្ញុំនឹងព្យាយាមធ្វើវាឲ្យបានល្អបំផុត។»
ក្រោយពីឮបែបនេះ អ្នកគាំទ្រជាច្រើនក៏កាន់តែរំភើបញាប់ញ័រអារម្មណ៍ និងទន្ទឹងរងចាំពេលវេលាដ៏អស្ចារ្យនោះ មកដល់ក្នុងពេលឆាប់ៗនេះផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
