តារាស្រីតួសាន់ឆាយ ផ្អើលថាមានផ្ទៃពោះ

កាលពីពេលថ្មីៗនេះតារាសម្ដែង បាប៊ី (Barbie Hsu) ដែលប្រិយមិត្ដធ្លាប់តែស្គាល់ សាន់ឆាយ នោះគឺបានទទួលពាក្យចាមអារ៉ាមសាជាថ្មី ចំពោះរឿងមានផ្ទៃពោះ។

យោងទៅតាមសារព័ត៌មានរបស់ម៉ែលឌេលី បានឲ្យដឹងថា មានអ្នករាយការណ៍សំងាត់ពី ទំនាក់ទំនងគូស្នេហ៍មួយគូនេះថា បាប៊ី និងប្ដីរបស់នាង គឺ វ៉ាង( Wang Xiaofei) កំពុងតែនៅប៉េកាំង និយាយពីវិធីសាស្ដ្រក្នុងការមានផ្ទៃពោះ។ យ៉ាងណាមិញ តារាស្រីនេះ បានធ្វើការបដិសេធក្នុងការចូលរួមកម្មវិធី ដូចជាកម្មវិធីទូរទស្សន៍ Jiangsu ដែលនាងតម្រូវឲ្យចូលរួម ជាមួយនឹងក្រុម F4 ។

នៅក្នុងនេះផងដែរ តាំងពីអ្នកទាំងពីរ បានរៀបការជាមួយគ្នានៅឆ្នាំ ២០១១ ខែមិថុនា បាប៊ី ដែលមានអាយុ ៣៦ឆ្នាំនេះ បានព្យាយាម ធ្វើអ្វីគ្រប់យ៉ាង ដើម្បីឲ្យមានផ្ទៃពោះ។ មួយវិញទៀត បាប៊ីធ្លាប់ជាមនុស្សដែលតមអាហារ បែរជាប្រែប្រួលគឺគិតតែញ៉ាំ និងឡើងទំងន់ថែមទៀត។

ទោះជាយ៉ាងណា កាលពីមួយរយៈពេលមុន នាងធ្លាប់ត្រូវបានម្ដាយក្មេកគឺ ហ្សេន (Zhang Lan) ដែលជាអ្នករកស៊ីបើកភោជនីយដ្ឋាននៅប្រទេសចិន ធ្វើការគំរាមគំហែង ប្ដីរបស់នាងឲ្យជ្រើសរើសរវាង ម្ដាយនិងប្រពន្ធ បើសិនជា បាប៊ីមិនអាចបង្កើតកូនបាន៕

កែសម្រួលដោយ ម៉ា

ខ្មែរឡូត