ពីរោះណាស់! លើកទី១ ធឿន បុរី ឡើងបកស្រាយជាមួយជនពិការ យ៉ាងល្អស៊ីចង្វាក់គ្នា គួរឲ្យសរសើរ (មានវីដេអូ)

ភ្នំពេញ៖ ដូចប្រិយមិត្តជាច្រើនបានដឹងហើយថា តារាចម្រៀងវ័យក្មេង ប្អូនប្រុសធឿន បុរី កំពុងតែធ្វើឲ្យមហាជនជាច្រើនស្រលាញ់ និងពេញចិត្តយ៉ាងខ្លាំង ជាមួយនឹងសមត្ថភាពដ៏ល្អ សម្លេងយ៉ាងពីរោះខ្លាំងគួរឲ្យសរសើរ រាល់ពេលច្រៀងបទសំនៀងដើមជាច្រើន។

ជាក់ស្តែងកាលពីពេលកន្លងទៅនេះ តារាវ័យក្មេងរូបនេះបានធ្វើឲ្យអ្នកគាំទ្រជាច្រើនបានសរសើរដល់ប្អូនប្រុស ក្រោយបានធ្វើការបកស្រាយជាមួយនឹង ចម្រៀងមួយបទ «គន់មើលក្នុងសួន» ដែលជាសំនៀងដើម ជាមួយនឹងបងស្រីម្នាក់ ដែលជាជនពិការភ្នែកទាំងសងខាង។

តាមរយៈវីដេអូដែលបង្ហាញពីសមត្ថភាពល្អបែបនេះ អ្នកគាំទ្រជាច្រើនពិតជាពេញចិត្តយ៉ាងខ្លាំង ព្រោះថាអ្នកទាំង២ បានបកស្រាយចម្រៀងរួមគ្នាជាលើកដំបូងក៏ពិតមែន តែសម្លេងពិតជាពីរោះគួរឲ្យសរសើរខ្លាំងតែម្តង។

ក្រោយពីបានទស្សនាវីដេអូមួយនេះ ក៏មានការសរសើរពីបណ្តាមហាជនជាច្រើន មិនត្រឹមតែប៉ុណ្ណោះក៏មានការស៊ែរតៗគ្នា ពេញបណ្តាញសង្គមហ្វេសប៊ុកតែម្តង ព្រោះសម្លេងអ្នកទាំងពីរពិតជាស៊ីគ្នា៕

សូមទស្សនាវីដេអូខាងក្រោមនេះ៖

• ធឿន បុរី
• វីដេអូ
• តារាខ្មែរ