យប់មិញ អតីតប្រដាល់ ឡោ សំណាង ជួបគ្រោះថ្នាក់ចរាចរណ៍ រហូតផ្ទុះជាហិង្សា ក្មេងស្ទាវជាង១០នាក់ ព្រួតវាយធ្វើឲ្យបាក់កូនដៃ! (មានវីដេអូ)

ភ្នំពេញ៖ កាលពីយប់ប្រហែលម៉ោង១១ មានការភ្ញាក់ផ្អើលពេញបណ្តាញសង្គម និងកន្លែងកើតហេតុ នៅក្បែរផ្សារទំនើបអ៊ីអន១ ស្ថិតនៅក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ក្រោយអតីតអ្នកប្រដាល់ខ្មែរលោក ឡោ សំណាង ត្រូវជួបគ្រោះថ្នាក់ចរាចរណ៍ រហូតផ្ទុះជាអំពើហិង្សាក្មេងស្ទាវមួយក្រុមព្រួតវាយ របួសធ្ងន់ធ្ងរ។

តាមរយៈវីដេអូ នៅកន្លែងកើតហេតុបានឲ្យដឹងថា មុនដំបូង មានការប៉ះទង្គិចគ្នាបន្តិចបន្តួច ក៏ប៉ុន្តែក៏ទាស់សម្តីនឹងគ្នារហូត ក្មេងៗមួយក្រុមបាននាំគ្នាជិះម៉ូតូជាច្រើនគ្រឿង មកព្រួតវាយលោក ធ្វើឲ្យបាក់ម្រាមកូនដៃ និងធ្វើឲ្យងប៉ោងមុខទ្រោមខ្លួន។

មុនពេលកើតហេតុភាគីខាងក្រុមក្មេងស្ទាវបាននិយាយាថា៖ លោកឡោ សំណាងបានបើករថយន្តប៉ះពួកគេហើយ មិនព្រមឈប់សុំទោសទើបធ្វើឲ្យពួកគេខឹងក៏បើកម៉ូតូស្ទាក់មុខរថយន្ត ដើម្បីឲ្យលោកសុំទោស។

ដោយឃើញកីឡាកររូបនេះ ចុះមកពីលើរថយន្ត មិនព្រមសុំទោសពួកគេ ទើបកើតជារឿងទាស់សម្តីគ្នារហូតផ្ទុះជាហិង្សាតែម្តង។ តែទោះជាយ៉ាងណាលោកក៏ដឹងថាខុសរៀងខ្លួន និងបានសម្រួលគ្នាហើយ តែនៅតែមានបញ្ហាទាំងនេះកើតឡើង ក្មេងៗបាននាំគ្នាមកវាយលោក៕

វីដេអូពី៖ ព័ត៍មានបន្ទាន់ៗក្នុងសង្គម 

សូមទស្សនាវីដេអូខាងក្រោមនេះ ដើម្បីជ្រាបច្បាស់៖

• វីដេអូ