រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា គិតត្រឹមម៉ោង២និង២០នាទីរសៀលថ្ងៃទី០៣ ខែមីនា ឆ្នាំ២០១៩ នេះ សពក្មេងប្រុសម្នាក់បាត់ខ្លួន ឃើញតែខោខ្លីនៅមាត់ទឹករណ្ដៅដីដ៏ជ្រៅមួយបង្កឱ្យមានការភ្ញាក់ផ្អើលកាលពីម៉ោង៩ព្រឹក ថ្ងៃទី៣ ខែមីនា ឆ្នាំ២០១៩ ស្ថិតនៅក្នុងភូមិជ្រៃមង្គល ឃុំដំណាក់អំពិល ស្រុកអង្គស្នួលនោះ ត្រូវបានរកឃើញហើយដោយក្រុមអ្នកជំនាញមុជទឹកដែលក្រុមគ្រួសារជួលឱ្យរាវរក ។
សេចក្តីរាយការណ៍បន្តទៀតថា ក្មេងប្រុសដែលលង់ទឹកស្លាប់នេះឈ្មោះ ហ៊ាន រ៉ូហ្សា អាយុ១៣ឆ្នាំ មានស្រុកកំណើតនៅក្នុងភូមិដីដុះក្រោម ឃុំព្រែកប្រសព្វ ស្រុកព្រែកប្រសព្វ ខេត្តក្រចេះ សព្វថ្ងៃស្នាក់នៅម្ដុំពោធិ៍ចិនតុង សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។
សេចក្តីរាយការណ៍បន្តថា ខណៈពេលម្តាយក្មេងប្រុសរងគ្រោះមើលឃើញសពកូនប្រុសក្លាយជាបែបនេះ ម្តាយក្មេងរងគ្រោះបានដួលសន្លប់បាត់បង់ស្មារតីនៅនឹងកន្លែងកើតហេតុ ដោយសារគាត់ស្លុតពេក ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]