ពិធីសម្ពោធផលិតផល ហ្វាលីន ដោយមានការចូលរួម ពីតំណាងចែកចាយជាង ១៥០នាក់

ភ្នំពេញ៖ កាលពីថ្ងៃទី១ ខែមិនាឆ្នាំ២០១៩ កន្លងទៅនេះ ក្រុមហ៊ុន BMG Corporation Co.,Ltd និង ក្រុមហ៊ុន Farlin Industrial (Taiwan) Co.,Ltd បានសហការគ្នារៀបចំ “ពិធីសម្ពោធផលិតផល ហ្វាលីន ដោយមានការចូលរួមពីតំណាងចែកចាយជាង ១៥០នាក់ នៅសណ្ឋាគារ សូហ្វីតែល ភ្នំពេញ ភូគីត្រា។

“ពិធីសម្ពោធផលិតផល ហ្វាលីន” ជាផ្លូវការនេះមានការអញ្ជើញចូលរួមពីអធិបតីភាពដ៏ខ្ពង់ខ្ពស់ ពីសំណាក់ ឯកឧត្តមបណ្ឌិត សុក ស៊ីផាណា ទីប្រឹក្សាជាន់ខ្ពស់រាជរដ្ឋាភិបាលនៃព្រះរាជាណាចក្រកម្ពុជា ។  លោកស្រី សៀប ចាន់ធី នាយកប្រតិបត្តិនៃក្រុមហ៊ុន BMG Corporation Co.,Ltd និង លោក ស៊ុង ហានស៊ា ដែលជានាយកប្រតិបត្តិ Farlin Industrial (Taiwan) Co.,Ltd និងដៃគូពាណិជ្ជកម្មជាច្រើន។

លោក ស៊ុង ហានស៊ា ដែលជានាយកប្រតិបត្តិនិងតំណាងដ៏ខ្ពង់ខ្ពស់របស់រោងចក្រផលិតផលហ្វាលីនបានថ្លែងក្នុងកម្មវិធីនេះថា៖ ក្រុមហ៊ុន Farlin ជាផលិតផលដែលមានឈ្មោះល្បីតាំងពីឆ្នាំ ១៩៧២ និងមានទីស្នាក់ការនៅចំកណ្តាលនៃប្រទេសតៃវ៉ាន់។ Farlin ជាផលិតផលរបស់ទារកនិងកុមារ ដែលមានគុណភាពខ្ពស់និងបានដាក់លក់ផលិតផលរបស់ខ្លួន នៅលើពិភពលោកតាំងពីជាង៤ទសវត្សរ៍ មុនមកម៉្លេះ ។ Farlin ត្រូវបានចែកចាយផលិតផលរបស់ខ្លួនជាង ៨០ប្រទេស ទូទាំងពិភពលោកនិងជាផលិតផល ទារក និង កុមារដែលល្បីជាងគេរបស់តៃវ៉ាន់។

Farlin បានរក្សានូវជំហររបស់ខ្លួនក្នុងការផលិតនូវផលិតផលដែល មានសុវត្ថិភាពគិតពីសុខភាព និងមាន ផាសុកភាព ព្រោះ Farlin ពិតជាបានយកចិត្តទុកដាក់ដល់បរិស្ថាននិងអតិថិជនរបស់ខ្លួនជាចំបងនិងទទួលបាន នូវការទុកចិត្តពីអតិថិជន។ រាល់ផលិតផលរបស់ Farlin ត្រូវបានបញ្ជាក់ថាមានគុណភាព និងមានសុវត្ថិភាពខ្ពស់ ដោយមន្ទីរពិសោធន៏ល្បីៗ ជាច្រើន។
លោកសង្ឃឹមថា តាមរយៈកិច្ចសហប្រតិបត្តិការអាជីវកម្មជាមួយនឹង ក្រុមហ៊ុន BMG Coproration Co., Ltd និង ផលិតផល Farlin នឹងក្លាយជាផលិតផលដែលឈានមុខគេនៅក្នុងព្រះរាជាណាចក្រកម្ពុជា។

លោកស្រី សៀប ចាន់ធី ដែលជានាយកប្រតិបត្តិនៃក្រុមហ៊ុន BMG បានថ្លែងក្នុងកម្មវិធីនេះថា ៖

ក្រុមហ៊ុន “BMG Corporation Co., Ltd” ត្រូវបានបង្កើតឡើងតាំងពីខែមេសាឆ្នាំ ២០០៥ មកម្ល៉េះ ដែលជាក្រុមហ៊ុនចែកចាយផលិតផលទារក ផលិតផលរបស់អ្នកម្តាយ និងសម្ភារៈក្មេងលេង ដែលឈានមុខគេនៅក្នុងព្រះរាជាណាចក្រកម្ពុជា ។ ផលិតផលទាំងនោះ ជាផលិតផលដែលមានឈ្មោះល្បី គុណភាពខ្ពស់និងនាំចូលពីតៃវ៉ាន់ និងបណ្តាប្រទេសល្បីៗជាច្រើនទៀត។ ក្រុមហ៊ុន “BMG Corporation Co., Ltd និងក្រុមហ៊ុន Farlin ជាក្រុមហ៊ុនតែមួយគត់នៅក្នុងប្រទេសកម្ពុជាដែលផ្គត់ផ្គង់នូវសម្ភារៈរបស់ទារកនិងកុមារ។ ផលិតផល Farlin ជាផលិតផលដែលមានគុណភាពខ្ពស់ និងមានសម្ភារៈរបស់ទារក និងកុមារ ជាច្រើនមុខដើម្បីបំពេញតម្រូវការ ប្រចាំថ្ងៃរបស់ពួកគេ តាំងពីចុងសក់រហូតដល់ចុងជើង មានទាំងសម្ភារ:ប្រើប្រាស់ក្នុងផ្ទះ និងឧបករណ៍សម្ភារៈដើរកម្សាន្តនៅខាងក្រៅផ្ទះ។ ផលិតផល Farlin មានដូចជា ៖ - សាប៊ូដុសខ្លួន សាប៊ូកក់សក់ សាប៊ូបន្ទន់សក់ សាប៊ូលាងដប - ដបទឹកដោះគោ ច្រាសលាងដបទឹកដោះគោ ដបបញ្ចុកបបរក្មេង និងប្រដាប់ក្មេងមឹមលេង Pacifier - ឡេរក្សាសំណើមស្បែក - កន្ទប Nappy និង ក្រដាសសើម - សំលៀកបំពាក់ ស្បែកជើង - គ្រែគែង មុង ។ល។

លោកស្រី សៀប ចាន់ធី មានប្រសាសន៍បន្ថែមទៀតថា ៖
 

ក្រុមហ៊ុន BMG Corporation Co.,Ltd មានការចូលរួមសហការ ដោយក្រុមអ្នកជំនាញខាងផ្នែកទារកដែលទាក់ទងនឹងការបំបៅទារកទើបនឹងកើតរហូតដល់កុមារ ។ កត្តាទាំងអស់នេះហើយដែលធ្វើអោយក្រុមហ៊ុនរបស់យើងខ្ញុំ បានក្លាយជាក្រុមហ៊ុនចែកចាយសម្ភារៈ របស់ទារក កុមារ និងសម្ភារៈរបស់អ្នកម្តាយ គ្រប់ប្រភេទ ដែលឈានមុខគេបំផុតនៅក្នុងព្រះរាជាណាចក្រកម្ពុជា ។

កម្មវិធីត្រូវបានបញ្ចប់ដោយ ភាពសប្បាយរីករាយពីសំណាក់ភ្ញៀវកិត្តិយសទាំងអស់ដែលបានចូលរួម ព្រមជាមួយការចូលរួមសម្តែងពីតារាចម្រៀង កញ្ញា មាស សុខសោភា និងមានការចាប់ឆ្នោតផ្សងសំណាង ជាច្រើនរង្វាន់ផងដែរ ៕