អេស្ប៉ាញ៖ កីឡាករឆ្នើម Cristiano Ronaldo ទើបបានបើកមុខរបរថ្មីផ្ទាល់ខ្លួនមួយបន្ថែមទៀតគឺគ្លីនិកថែរក្សា និងបណ្តុះសក់នៅឯទីក្រុងម៉ាទ្រីឌ និងបានផ្ទេរសិទ្ធិទៅឱ្យមិត្តស្រីរបស់លោក គឺនាង Georgina Rodriguez ជាអ្នកគ្រប់គ្រង។ គ្លីនិកដែលទើបបើកសម្ពោធនេះជាបុត្រសម្ព័ន្ធនៃក្រុមហ៊ុន Insparya Group ដែលកីឡាករ Ronaldo ផ្ទាល់គឺជាសហស្ថាបនិក។
ការបើកសាខាដំបូងនៃគ្លីនិកបណ្តុះសក់នេះ គឺត្រូវចំណាយដើមទុនប្រមាណជា ១,១លានដុល្លារ ប៉ុន្តែ Ronaldo មានបំណងចង់បោះទុនបន្ថែមទៀតសម្រាប់មុខរបរនេះ ដោយត្រៀមចាយ ២៨,៥លានដុល្លារបន្ថែមសម្រាប់រយៈពេល ៣ទៅ៤ឆ្នាំខាងមុខ។
កីឡាករ Cristiano Ronaldo បានប្រាប់ឱ្យដឹងថា៖ “ក្រៅពីកីឡាបាល់ទាត់ ខ្ញុំមានការចាប់អារម្មណ៍ខ្លាំងពីបញ្ហាសុខភាព, បច្ចេកវិទ្យា និងការស្រាវជ្រាវ ដែលទាំងអស់នេះគឺជាអ្វីដែលខ្ញុំតែងតែចាប់អារម្មណ៍ចង់វិនិយោគ។ ខ្ញុំចង់ឱ្យគ្លីនិកដំបូងរបស់ខ្ញុំនៅទីក្រុង Madrid ពង្រឹងខ្លួនក្លាយជាគ្លីនិកលក្ខណៈអន្តរជាតិមួយ”។
សូមជម្រាបថា តម្លៃនៃការពិសោធន៍ និងបណ្តុះសក់នៅឯគ្លីនិករបស់ Ronaldo គឺចាប់ផ្តើមពីតម្លៃ ៤,៥០០ដុល្លារឡើងទៅ។ សេវាកម្មរបស់គ្លីនិកសម្រាប់ជនបរទេស រួមមានការស្នាក់នៅសណ្ឋាគារ, ការផ្ទេរជើងហោះហើរ, សេវាកម្មទទួល និងជូនដំណើរទៅមកព្រលានយន្តហោះ ជារួមទៅគឺអតិថិជនអាចទទួលបានភាពងាយស្រួល សម្រាប់ការព្យាបាលនៅគ្លីនិកថែរក្សាសក់របស់កីឡាករលំដាប់កំពូលរូបនេះ៕
ចុះចំណែកប្រិយមិត្តវិញ! យល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]