បារាំង៖ កីឡាករតម្លៃថ្លៃជាងគេបំផុតលើលោក Neymar Jr មានជំនឿចិត្តថា គេនឹងអាចជាសះស្បើយ ១០០ភាគរយ និងអាចចូលរួមជួយក្លិប Paris Saint-Germain ក្នុងពានរង្វាន់ Champions League។ Neymar ហាក់មានជំនឿចិត្តយ៉ាងខ្លាំងថា ក្លិប PSG នឹងឈ្នះពាន Champions League ជាលើកដំបូងបំផុតនៅឆ្នាំនេះ ដោយសារក្លិបមាន “ក្រុមកីឡាករដ៏ខ្លាំងក្លា” និងមានលោក Thomas Tuchel ដែលជាគ្រូបង្វឹកដ៏ឆ្នើមមួយរូប។
កីឡាករសញ្ជាតិប្រេស៊ីលរូបនេះ ខកខានមិនបានជួយក្រុមក្នុងវគ្គ ១៦ក្រុមចុងក្រោយទល់នឹង Manchester United ទេ ដោយសារបញ្ហារបួសកាលពីខែមុន។
ក្រុម Paris Saint-Germain មិនទាន់ស្គាល់រសជាតិនៃការលើកពាននេះម្តងណាឡើយ រាប់ចាប់តាំងពីក្លិបបានបង្កើតឡើងនៅឆ្នាំ ១៩៧០ មក។ ទោះបីជាបែបនេះក្តី Neymar ជឿជាក់ថា PSG នឹងក្លាយជាម្ចាស់ពាន UCL នារដូវកាលនេះយ៉ាងពិតប្រាកដ។ មិនត្រឹមតែប៉ុណ្ណោះ Neymar ជឿជាក់ថា គេនឹងអាចជឿសះស្បើយពីរបួស ហើយចូលរួមជាផ្នែកមួយនៃក្រុម PSG ដើម្បីប្រកួតវគ្គផ្តាច់ព្រ័ត្រ UCL នេះនៅកីឡដ្ឋាន Wanda Metropolitano នាទីក្រុងម៉ាឌ្រីដទៀតផង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
