ភ្នំពេញ៖ អតីតតារាសម្តែងប្រុសល្បីឈ្មោះ ដែលគ្រប់គ្នាស្គាល់ថាជាតួឯកប្រុសឈ្មោះ នេនទុំ ក្នុងរឿង«ទុំទាវ» លោក ស៊ុក សុភា រយៈពេលជាច្រើនឆ្នាំណាស់មកហើយ ដែលលោកបានសម្រេចចិត្តបោះបង់ជីវិតជាអ្នកសិល្បៈ រៀបការសាងគ្រួសារជាមួយនឹងភរិយាជាទីស្រលាញ់ ទៅរស់នៅឯបរទេសយ៉ាងមានសេចក្តីសុខ ព្រមជាមួយនឹងចំណងដៃកូនប្រុសស្រីគួរឲ្យស្រលាញ់ផងដែរ។
ដោយឡែក ក្រោយពីបាត់មុខមាត់អស់រយៈពេលជាច្រើនឆ្នាំ ទីបំផុតថ្មីៗនេះ លោក ស៊ុក សុភា មកត្រឡប់មកលេងមាតុប្រទេស ទឹកដីកម្ពុជាជាថ្មីម្តងទៀត ដោយលោកថែមទាំងបានបង្ហោះរូបថត ជាមួយនឹងអត្ថន័យសារ ដែលបានសរសេរថា៖ «ខ្ញុំបានបើកឡានមកដល់វិមានឯករាជ្យហើយបងប្អូន មានបងប្អូនមិត្តៗណាទំនេរតោះជួបគ្នាយើង»។
មិនតែប៉ុណ្ណោះ អ្វីដែលធ្វើឲ្យមហាជនក៏ដូចជាប្រិយមិត្តគាំទ្រ មានការចាប់អារម្មណ៍ជាងនេះទៅទៀតនោះ គឺរូបសម្រស់មុខមាត់បច្ចុប្បន្នរបស់អតីតតារាប្រុសតែម្តង ដោយមើលសឹងតែមើលមិនចង់ស្គាល់ ជាមួយនឹងស្ទាយ៍ពុកមាត់ពុកចង្ការ ប្លែកភ្នែកជាងកាលពីលើកមុនខ្លាំង ប៉ុន្តែក៏នៅតែសង្ហាដដែល មិនចាញ់ពីមុនឡើយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]