ទិដ្ឋភាពដ៏ស្និទ្ធស្នាលរបស់កំពូលតារាចម្រៀងស្រី ៣ដួង ដែលហ្វេនៗកម្របានឃើញ (មានវីដេអូ)

ភ្នំពេញ៖ កាលពីពេលថ្មីៗនេះ មានការចែកចាយតៗគ្នាលើបណ្ដាញសង្គម នូវរូបភាពដ៏កម្ររបស់កំពូលតារាចម្រៀងស្រីល្បីៗ លំដាប់ជួរមុខប្រចាំប្រទេសកម្ពុជា ដែលមានកញ្ញា ឱក សុគន្ធ អ្នកនាង ពេជ្រ សោភា និងកញ្ញា សុខ ពិសី ដោយកន្លងមកអ្នកទាំង៣ កម្របានរួមការងារជាមួយគ្នាណាស់ ។

ទន្ទឹមជាមួយគ្នានោះ កំពូលតារាចម្រៀងស្រីទាំង៣ដួងនេះ ត្រូវបានគេឃើញថា បានតុបតែងខ្លួនយ៉ាងស្រស់ស្អាត ជាមួយនឹងឈុតសម្លៀកបំពាក់ដែលមានពណ៌ផ្សេងៗគ្នា ធ្វើឲ្យសម្រស់ម្នាក់ៗ កាន់តែស្រស់ស្អាត លេចធ្លោខ្លាំង គួរឲ្យគយគន់តែម្ដង។

ដោយឡែក អ្វីដែលរឹតតែពិសេសជាងនេះទៅទៀតនោះ តាមរយៈរូបភាព និងវីដេអូ ដែលបានបង្ហោះលើផេក Sok Pisey SundayFan ដែលកំពូលតារាចម្រៀងស្រីដ៏ស្រស់សោភាទាំង៣ដួង ក៏បានបង្ហើរសំនៀងរួមគ្នា ជាមួយនឹងទឹកមុខយ៉ាងសប្បាយរីករាយ អមនឹងកាយវិការយ៉ាងស្និទ្ធស្នាល ដែលធ្វើឲ្យមហាជនដែលជាអ្នកគាំទ្រ ញញឹមបិទមាត់មិនជិត ពេលដែលបានឃើញទិដ្ឋភាពដ៏កម្រមួយនេះ ៕

សូមទស្សនាវីដេអូខាងក្រោម៖ 

• ពេជ្រ សោភា
• ឱក សុគន្ធកញ្ញា
• សុខ ពិសី
• វីដេអូ
• តារាខ្មែរ