មហាក្សត្រថ្មីនៃប្រទេសម៉ាឡេស៊ី ឡើងសោយរាជ្យសម្បត្តិជាផ្លូវការ (មានវីដេអូ)

ម៉ាឡេស៊ី៖ បន្ទាប់ពីមហាក្សត្រម៉ាឡេស៊ី ព្រះចៅ មូហាម៉ាត់ ទីប្រាំ (Yang di Pertuan Agong) បានសម្រេចព្រះទ័យដាក់រាជ្យជាផ្លូវការនៅថ្ងៃអាទិត្យទី ៦ ខែមករា ឆ្នាំ២០១៩នេះរួចមក ពេលនេះប្រទេសម៉ាឡេស៊ីបានធ្វើការប្រកាសជាសាធារណៈអំពីការឡើងសោយរាជ្យសម្បត្តិរបស់មហាក្សត្រថ្មី ដែលទ្រង់មានព្រះនាម Abdullah Sultan Ahmad Shah ដែលជាក្សត្រទី៦ នៃប្រទេសម៉ាឡេស៊ី។ នេះយោងតាមការបញ្ជាក់របស់សារព័ត៌មាន CNN ដែលបានចេញផ្សាយក្នុងថ្ងៃទី ១៥ ខែមករា ឆ្នាំ ២០១៩។

ស្តេចស៊ុលតង់ Abdullah បានប្រសូតនៅថ្ងៃទី ៣០ ខែមិថុនា ឆ្នាំ ១៩៥៩ ជាបុត្រាទី៤របស់ព្រះអង្គម្ចាស់ Sultan Ahmad Shah។

ថ្លែងសុន្ទរកថាក្នុងពិធីប្រកាសជ្រើសតាំងមហាក្សត្រថ្មីនៃប្រទេសម៉ាឡេស៊ី ព្រះអង្គម្ចាស់ Abdullah បានសន្យាយ៉ាងមុតមាំថានឹងបម្រើក្តីសុខប្រជារាស្ត្រម៉ាឡេស៊ីទាំងមូលក៏ដូចជាកែតម្រូវនូវកំហុសខុសឆ្គងផ្សេងៗផងដែរ។ ព្រះអង្គបន្តថា "មហាក្សត្រនិងប្រជារាស្ត្រម៉ាឡេស៊ីគឺមិនអាចញែកដាច់ពីគ្នាឡើយ។ ពួកយើងមានបេះដូងនិងដូងព្រលឹងដូចគ្នា"។

គួរបញ្ជាក់ថា ភ្ញៀវកិត្តិយសប្រហែលជា១៦០០នាក់ រាប់បញ្ជូលទាំងគ្រួសាររាជវង្ស មេដឹកនាំរដ្ឋ និងរដ្ឋមន្ត្រីធំៗក្នុងប្រទេសម៉ាឡេស៊ី បានមកចូលរួមធ្វើជាសាក្សីក្នុងពិធីប្រកាសនៃការឡើងសោយរាជ្យសម្បត្តិរបស់មហាក្សត្រថ្មីនេះ៕

មានវីដេអូនៅខាងក្រោម៖

• ទីកន្លែង