JYP Entertainment បើកបង្ហាញ ក្រុមចម្រៀងស្រីថ្មីប្រចាំផលិតកម្ម

កូរ៉េខាងត្បូង៖ JYP Entertainment ជាផលិតកម្មធំមួយនៅក្នុងប្រទេសកូរ៉េ ក្នុងនោះផងដែរមានក្រុមចម្រៀងល្បីៗជាច្រើនដែលជ្រកនៅក្រោមទ្រនំមូយនេះ។

ទៀតសោត នៅថ្ងៃទី១៤ មករា ឆ្នាំ២០១៩នេះ ខាងផលិតកម្មបានបង្ហាញនូវតារាស្រី៣នាក់ដែលជាសមាជិកក្នុងក្រុមចម្រៀងថ្មី។ តារាថ្មីទាំង៣នាក់នោះមានដូចជា Shin Ryujin, Hwang Yeji និង Lee Chaeryeon។

ទោះបីជាយ៉ាងណាក៏ដោយ សម្រាប់ឈ្មោះក្រុម និងសមាជិកផ្សេងៗទៀតនៅក្នុងក្រុមមិនទាន់អាចច្បាស់បានទេ រង់ចាំការបញ្ជាក់ម្តងទៀតពីខាងផលិតកម្ម។

ដោយយោងតាមប្រភពព័ត៌មានមួយបានរៀបរាប់ពីចំនុចត្រួសៗដែលទាក់ទងនិងពួកគេទាំង៣រូបដូចតទៅ៖ 

១. Shin Ryujin

នាងគឺជាសមាជិកហ្វឹកហាត់នៅក្នុង JYP Entertainment។  Ryujin មានសមត្ថភាពពិសេសក្នុងការរាំ និងរ៉េប។ លើសពីនេះទៅទៀតនាងក៏ធ្លាប់លេចមុខនៅក្នុងវីដេអូចម្រៀងរបស់ក្រុម BTS ថែមទៀតផង។ 

២. Hwang Yeji

សម្រាប់ Yeji នាងក៏ជាសមាជិកហ្វឹកហាត់នៅក្នុង JYP Entertainment ដូចគ្នា ហើយនាងធ្លាប់ប្រកួតនៅក្នុងកម្មវិធី The Fan ។ នាងមានសមត្ថភាពក្នុងការរាំ។ ក្រៅពីនេះថែមទាំងមានគេនិយាយថា នាងមានមុខមាត់ស្រដៀងទៅនឹង Dahyun ដែលជាសមាជិករបស់ក្រុមចម្រៀង Twice ថែមទៀតផង។ 

៣. Lee Chaeryeon

Lee Chaeryeon ធ្លាប់បានចូលប្រកួតទៅក្នុងកម្មវិធី KPOP Star Season 3 និងកម្មវិធី Sixteen។ 

• តារាកូរ៉េ