ប្រពៃណាស់! ខួបកំណើតខ្លួនឯង តែវ៉ាង ស្រីណូ ជូនកាដូឲ្យ អ្នកមានគុណទាំងពីរ លុយទាំងដុំៗ

ភ្នំពេញ៖ មួយរយៈពេលនេះឃើញថាតារាសម្តែងដ៏មានប្រជាប្រិយភាព កញ្ញាវ៉ាង ស្រីណូ ហាក់ដូចជាស្ងាត់ពីការងារសិល្បៈ ក៏ប៉ុន្តែបើងាកមកមើលពីជីវិតឯកជន ក៏ដូចជាមុខជំនួញរកស៊ីផ្ទាល់ខ្លួនរបស់នាងវិញ ក៏កាន់តែមានបាន ហាយសូរកាន់តែខ្លាំងឡើងគួរឲ្យសរសើរបំផុត។

ជាក់ស្តែងកាលពីពេលថ្មីៗនេះ តារាស្រីរូបនេះបានធ្វើឲ្យអ្នកគាំទ្រជាច្រើនមានការភ្ញាក់ផ្អើល ក្រោយពេលនាង និងគ្រួសារបានរៀបចំពិធីខួបកំណើតយ៉ាងអធិកអធម ក្រោមការចូលរួមពីបណ្តាគ្រួសារជាច្រើននាក់។ តែអ្វីដែលពិសេសនោះគឺ តារាស្រីរូបនេះ ក៏បានធ្វើឲ្យអ្នកមានគុណទាំងពីរ រំភើបនៅក្នុងថ្ងៃដ៏ពិសេសនេះដែរ។

ជាមួយគ្នានេះដែរ នាងបានធ្វើការរំលឹកដឹងគុណ ទៅកាន់អ្នកមានគុណដែលបានផ្តល់កំណើតឲ្យខ្លួន ដែលមានជាកាដូ ដ៏មានតម្លៃ គឺលុយដុល្លារចំនួន២ដុំ ជូនទៅកាន់ឪពុកម្តាយរបស់នាងទៀតផង។

ទង្វើមួយនេះ បានធ្វើឲ្យបណ្តាអ្នកគាំទ្រជាច្រើន ពេញចិត្តយ៉ាងខ្លាំង ព្រោះភាគច្រើនមានតែគ្រួសារ ក៏ដូចជាម្តាយឪពុកជូនកាដូដល់ខ្លួនក្នុងថ្ងៃកំណើត តែសម្រាប់តារារូបនេះវិញនាងបានគិតខុសគេ ដោយបានជូនលុយដុល្លារទាំងដុំ ជូនដល់អ្នកមានគុណទាំង២ឲ្យលោកសប្បាយចិត្តទៅវិញ៕

សូមទស្សនារូបភាពខាងក្រោមនេះ៖

• វ៉ាង ស្រីណូ
• តារាខ្មែរ