មិនឲ្យខាតពេលយូរ! ទេព បូព្រឹក្ស បន្តយកថវិកាជូនតារាកំប្លែង សានម៉ៅ និងកីឡាករប្រដាល់ អេ រដ្ឋា ដែលកំពុងសម្រាកនៅមន្ទីរពេទ្យ!

ភ្នំពេញ៖ ក្រោយពីបញ្ចប់បញ្ហាប្តឹងផ្តល់រឿងជះស្រាបៀរមកលើកញ្ញា ទេព បូព្រឹក្ស នៅពេលនេះ នាងទទួលបានប្រាក់សំណងជំងឺចិត្តចំនួន ១០ ០០០ដុល្លារ និងការសុំទោសជាសាធារណៈ ពីបុរសដែលជាជនដៃដល់ផងដែរ កាលពីម្សិលមិញនេះ។

យ៉ាងណាមិញ គ្រាន់តែកញ្ញា ទេព បូព្រឹក្ស បានទទួលប្រាក់សំណងពីបុរសនោះភ្លាម មិនបង្អង់យូរ នាងបានប្រញាប់ប្រញាល់បែងចែកថវិកា ដើម្បីធ្វើរឿងសប្បុរសធម៌ ដែលរូបនាងបានប្រកាសក្តែងៗ អំឡុងពេលមានបញ្ហាផងដែរ។

តួយ៉ាង កាលពីប៉ុន្មានម៉ោងមុននេះ កញ្ញា ទេព បូព្រឹក្ស បានបង្ហោះរូបជាច្រើនសន្លឹក ក្នុងការចុះទៅជួបផ្ទាល់ដល់ អតីតតារាកំប្លែង នាយ ក្តិប ដើម្បីចែកជូនចំណែកថវិកាខ្លះៗ។

មិនត្រឹមតែប៉ុណ្ណោះ កញ្ញា ទេព បូព្រឹក្ស ក៏បានចុះទៅជួប និងជូនថវិកាដល់ អតីតតារាកំប្លែង នាយ សាន ម៉ៅ និងកីឡាករប្រដាល់លោក អេ រដ្ឋា ដែលកំពុងតែសម្រាកព្យាបាលនៅមន្ទីពេទ្យផងដែរ។

ក្រោយពីឃើញបែបនេះ មហាជនជាច្រើនពិតជាកោតសរសើរដល់ទឹកចិត្តកញ្ញា ទេព បូព្រឹក្ស ខ្លាំងមែនទែន សម្រាប់ការជួយដល់អតីតតារា ដែលកំពុងតែជួបបញ្ហាបែបនេះ។

ម៉្យាងវិញទៀត ការចែកជូនថវិកានេះ មិនទាន់អស់នៅឡើយនោះទេ ហើយកញ្ញា ទេព បូព្រឹក្ស នឹងនៅតែបន្តចែកជូនថវិកា ដែលទទួលបានពីសំណងជំងឺចិត្តនោះ រហូតទាល់តែអស់ផងដែរ៕

តើប្រិយមិត្តយល់យ៉ាងណាដែរ? 

• ទេព បូព្រឹក្ស
• នាយសាន ម៉ៅ
• តារាខ្មែរ