Opal Panisara បានស្វាមីទាំងសង្ហាហើយ ចេះស្វីតខ្លាំងទៀត ធ្វើខួបកំណើតឲ្យយ៉ាងរ៉ូមែនទិក

ថៃ៖ កាលពីពេលម្សិលមិញនេះ ជាថ្ងៃខួបកំណើតរបស់តារាសម្ដែងស្រី Opal Panisara គម្រប់អាយុ ៣៧ឆ្នាំ ហើយក្នុងថ្ងៃដ៏ពិសេសនេះដែរ តារាស្រីរូបនេះ ព្រមទាំងស្វាមីរូបសង្ហា និងកូនភ្លោះទាំងពីររបស់ពួកគេ ក៏បាននាំគេទៅកម្សាន្តនៅឯទឹកដីសមុទ្រផងដែរ។

ដោយឡែក អ្វីដែលធ្វើឲ្យមហាជនមានការចាប់អារម្មណ៍នោះ គឺថាគេបានឃើញស្វាមីរូបសង្ហារបស់តារាស្រីរូបនេះ បានរៀបចំពិធីខួបកំណើតយ៉ាងសាមញ្ញមួយឲ្យនាង យ៉ាងផ្អែមល្ហែម ដោយក្នុងនោះក៏មានការទទួលទានអាហារពេលរាត្រី ជាលក្ខណៈ​ជួបជុំគ្រួសារតូចមួយ ជាមួយនឹងបរិយាកាសមាត់សមុទ្រ មើលទៅពិតជារ៉ូមែនទិក និងកក់ក្ដៅ សាកសមជាគ្រួសារគំរូមែន។

ទាំងអស់នេះ ក៏ជាការបង្ហាញឲ្យឃើញពីទឹកចិត្តល្អ ពីស្វាមីដ៏សង្ហារបស់ តារាស្រីអ្នកនាង Opal Panisara ក្នុងការរៀបចំកម្មវិធីដ៏ពិសេសមួយនេះ សម្រាប់ធ្វើដើម្បីឲ្យភរិយារបស់ខ្លួន មានក្ដីរំភើបចិត្តជាខ្លាំងផងដែរ៕

សូមទស្សនារូបភាពខាងក្រោមនេះ៖ 

• តារាថៃ