ឲ្យតែរឿងថៃ មានតួកំប្លែង ដឹងតែមានតួ Kai Mook តែម្សិលមិញនេះ គាត់បានទទួលមរណភាពហើយ ព្រោះតែ.....

ថៃ៖ ជារឿងដ៏គូរឲ្យសោកស្ដាយណាស់ ដោយកាលពីល្ងាចម្សិលមិញនេះ តារាសម្ដែងថៃភេទទី៣ Kai Mook ដែលត្រូវបានគេស្គាល់ថា «នាងតារាមុខខ្មោច» បានទទួលមរណភាព បន្ទាប់ពីបានតស៊ូព្យាបាលជំងឺមហារីក អស់រយៈពេលជាយូរខែមកនេះ។

ជាការពិតណាស់ Kai Mook ជាតួកំប្លែងដែលត្រូវបានគេកត់សម្គាល់ឃើញថា តែងតែលេចមុខនៅក្នុងខ្សែភាពយន្ត រឿងខ្មោចបែបកំប្លែងៗជាច្រើនរួចមកហើយ។ សម្រាប់ប្រជាប្រិយភាពរបស់តារាភេទទី៣រូបនេះ ក៏ត្រូវបានគេចាត់ថាជាតារា​ភេទទី៣ ដែលទទួលបានការគាំទ្រខ្លាំង បើទោះបីជា Kai Mook មានសម្រស់មុខមាត់មិនស្រស់ស្អាតដូចជាតារាភេទទី៣ផ្សេងទៀតក៏ដោយក្ដី។

គួររម្លឹកផងដែរថា បន្ទាប់ពីចូលសម្រាក ដើម្បីទទួលយកការព្យាបាលអស់រយៈពេលជាច្រើនខែមកនេះ តែនៅទីបំផុត តារាកំប្លែង Kai Mook ក៏បានទទួលមរណភាព កាលពីល្ងាចម្សិលមិញនេះ ដោយសារតែជំងឺមហារីកស្បែកបានឈានដល់កម្រិតធ្ងន់ធ្ងរខ្លាំង ដែលមិនអាចធ្វើការព្យាបាលតទៅទៀតបាននោះទេ។

ទន្ទឹមនឹងដំណឹងដ៏សោកសៅមួយនេះ បានធ្វើឲ្យ អ្នកគាំទ្រ ក៏ដូចជាអ្នកលេងបណ្តាញសង្គម បាននាំគ្នាចូលរួមរំលែកទុក្ខ និងចូលរួមសោកស្តាយដល់ គ្រួសារតារារូបនេះ ដែលបានបាត់បង់មនុស្សជាទីស្រលាញ់យ៉ាងឆាប់រហ័សបែបនេះ៕ 

• តារាថៃ