អបអរផង! ថ្ងៃនេះ Knomjean រៀបការហើយ ដោយមាន Pim ជាអ្នកកំដរដ៏ស្រស់ស្អាត!

ថៃ៖ នៅទីបំផុត តារាចម្រៀង និងសម្តែងស្រីដែលមានសម្រស់ស្រស់ស្អាតកញ្ញា Knomjean បានឈានមកដល់ការប្រើជីវិតគូដ៏ពេញលេញហើយ ដោយនៅថ្ងៃនេះនាងបានដឹកដៃអនាគតស្វាមីជាសេដ្ឋីហាយសូររបស់ខ្លួនចូលរោងការតាមប្រពៃណី ក្រោយសេពគប់មើលចិត្តគ្នាអស់រយៈពេល ៥ ឆ្នាំកន្លងមក។

ជាក់ស្តែងនៅក្នុងពិធីមង្គលការរបស់តារាស្រី Knomjean គេក៏ឃើញមានភ្ញៀវកិត្តិយសជាច្រើននាក់បានអញ្ជើញមកចូលរួមអបអរសាទរដល់ថ្ងៃពិសេសនេះទាំងស្នាមញញឹមរីករាយគ្រប់គ្នា។

ជាពិសេសនោះគឺក៏ឃើញមានការចូលរួមកំដរពីតារាសម្តែងស្រីរូបស្រស់គឺកញ្ញា Pim Prapa និងមិត្តភក្តិជិតស្និទ្ធរបស់កញ្ញា Knomjean ជាច្រើននាក់ទៀតផងដែរ។  

វត្តមានភ្ញៀវកិត្តិយសចាស់ទុំ និងមិត្តទាំងក្នុង និងក្រៅសិល្បៈមកចូលរួមក្នុងពិធីរៀបអាពាហ៍ពិពាហ៍ថ្ងៃនេះ ពិតជាបានធ្វើឱ្យកញ្ញា Knomjean និងអនាគតស្វាមីមានភាពរីករាយយ៉ាងខ្លាំង អមទៅដោយស្នាមញញឹមបិទមាត់មិនជិតឡើយ។

គួរឱ្យដឹងផងដែរថា ឆ្នាំនេះនាងមានអាយុ ២៦ ឆ្នាំហើយ និងកំពុងតែទទួលបាននូវប្រជាប្រិយភាពមិនស្ទើរទេពីសំណាក់អ្នកគាំទ្រ ជាពិសេសគឺយុវវ័យតែម្តង៕ 

តោះមកទស្សនាកម្រងរូបភាពថ្ងៃមង្គលការរបស់តារាសម្តែងស្រី Knomjean ទាំងអស់គ្នាដូចខាងក្រោមនេះ៖ 

• តារាថៃ