បើកបង្ហាញទិដ្ឋភាពដ៏កម្របានឃើញ នៃផ្ទះកំណើតរបស់ Weir ដែលស្ថិតនៅលើដីស្រែ

ថៃ៖ ដូចដែលប្រិយមិត្តបានជ្រាបហើយថា ពីមួយថ្ងៃទៅមួយថ្ងៃ តារាសម្ដែងប្រុសរូបសង្ហា លោក Weir កាន់តែទទួលបានការគាំទ្ររឹតតែខ្លាំងឡើង បើទោះបីជាលោកជាតារាប្រុសដែលបានប្រឡូកក្នុងវិស័យសិល្បៈនេះ ជាយូរឆ្នាំក៏ដោយក្ដី។

ស្របជាមួយប្រជាប្រិយភាពនៅតែមានភាពល្បីល្បាញ ក្នុងនោះជីវិតរស់នៅឯកជនរបស់តារាប្រុស Weir ក៏កាន់តែមានភាពសម្បូរបែប ដោយមានរបស់របរទំនើបៗ និងមានតម្លៃថ្លៃៗ ហើយជាពិសេសមានផ្ទះរស់នៅយ៉ាងសុខស្រួលថែមទៀត។

ដោយឡែក បើកងាកទៅចាប់អារម្មណ៍ជីវិតពីអតីតកាលរបស់តារាប្រុសរូបនេះវិញ ជឿជាក់ថាមានប្រិយមិត្តអ្នកគាំទ្រតារាប្រុសរូបនេះជាច្រើន ប្រាកដជាកម្របានឃើញនៅទីកន្លែងកំណើត ដែលWeir បានចាប់កំណើត រស់នៅ ទម្រាំតែបានមកដល់ចំណុចមួយនេះ ដូចសព្វថ្ងៃ។

ជាក់ស្ដែង កាលពីពេលថ្មីៗនេះ នៅលើបណ្ដាញសង្គមរបស់តារាប្រុស Weir បានបង្ហាញពីទិដ្ឋភាពផ្ទះដែលបានផ្ដល់កំណើតដល់ខ្លួន ដែលស្ថិតនៅឯទីជនបទ ដោយក្នុងនោះ សង្កេតថាជាប្រភេទផ្ទះឈើតូចមួយ ដែលព័ន្ធជុំវិញទៅដោយវាលស្រែ និងចម្ការ មើលទៅក៏ដឹងថាជីវិតគ្រួសារតារាប្រុសរូបនេះ កាលពីមុនបានឆ្លងកាត់ភាពលំបាកច្រើនផងដែរ៕

សូមទស្សនាទិដ្ឋភាពផ្ទះកំណើត Weir ខាងក្រោមនេះ៖   

• តារាថៃ