រាជធានីភ្នំពេញ ៖ ម្ចាស់ម៉ូតូឈរបែរខ្នង និងភ្លេចដកកូនសោចេញ ស្រាប់តែមានជនសង្ស័យម្នាក់បានមកឡើងជិះនិងធ្វើសកម្មភាពប៉ុនប៉ងលួចម៉ូតូ តែត្រូវបងប្អូនម្ចាស់ម៉ូតូឃើញក៏ក្របួចជាប់ភ្លាមៗ និងបានប្រគល់អោយសមត្ថកិច្ចដើម្បីសាកសួរកាលពីវេលាម៉ោង១១និង៣០នាទីយប់ថ្ងៃទី៨ ខែធ្នូ នៅចំណុចមុខហ្វាន់ក្លិប ផ្លូវវេងស្រេង ភូមិជ្រៃកោង សង្កាត់ចោមចៅ២ ពោធិ៍សែនជ័យ។
ជនសង្ស័យឈ្មោះ ឃុត ប៉ៃ ភេទប្រុស អាយុ២៥ឆ្នាំ មុខរបរមិនពិតប្រាកដ ស្នាក់នៅភូមិព្រៃពួច ឃុំក្រាំងម្កាក់ ស្រុលអង្គស្នួល ខេត្តកណ្តាល មានស្រុកកំណើតនៅភូមិទួលខ្ពស់ ឃុំវាល ស្រុក គងពិសី ខេត្តកំពង់ស្ពឺ។
ចំណែកម្ចាស់ម៉ូតូជាដើមបណ្តឹងឈ្មោះហឿង ង៉ែត ភេទប្រុស អាយុ៣០ឆ្នាំ ស្នាក់នៅបន្ទប់ជួលផ្លូវវេងស្រេង ភូមិជ្រៃកោង សង្កាត់ចោមចៅ២ ខណ្ឌពោធិ៍សែនជ័យ។
តាមសំដីដើមបណ្តឹងជាម្ចាស់ម៉ូតូបានឲ្យដឹងថា មុនកើតហេតុគាត់បានចេញពីបន្ទប់ជួលមានគ្នា៣នាក់ ដោយជិះម៉ូតូមួយគ្រឿងម៉ាកហុងដាឌ្រីម ស៊េរីឆ្នាំ២០១៨ ពាក់ស្លាកលេខ តាកែវ ១O-៦៥១៣ ឌុបគ្នាក្នុងគោលបំណងមកចូលលេងក្នុងក្លិបខាងលើ ។
លុះពេលមកដល់កើតហេតុ បានឈប់ម៉ូតូអែបចិញ្ចើមផ្លូវ និងបានចុះទៅនិយាយជាមួយសន្តិសុខដោយចតម៉ូតូក្រោយខ្នង ហើយភ្លេចដកកូនសោចេញពីម៉ូតូ ស្រាប់តែបុរសជាជនសង្ស័យខាងលើបានឡើងជិះម៉ូតូប៉ុនប៉ងលួច តែត្រូវបងប្អូនរបស់គាត់ឃើញក៍ក្របួចជាប់ភ្លាមៗនិងបានប្រគល់អោយសមត្ថកិច្ចសាកសួរតែម្តង។
នៅចំពោះមុខសមត្ថកិច្ចជនសង្ស័យបានសារភាពប្រាប់ថាខ្លួនពិតជាមានបំណងលួចម៉ូតូខាងលើពិតប្រាកដមែន ។ ដោយយោងតាមចំលើយសារភាព បច្ចុប្បន្នជនសង្ស័យត្រូវបានឃាត់ខ្លួនបណ្តោះអាសន្ននៅផ្នែកជំនាញអធិការដ្ឋាននគរបាលខណ្ឌពោធិ៍សែនជ័យ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
