អាហ្សង់ទីន៖ នៅមុនការប្រកួតវគ្គផ្តាច់ព្រ័ត្រនៃពានរង្វាន់ Copa Libertadores យប់មិញនេះ អ្នកគាំទ្រក្រុម River Plates បានឆ្មក់ទៅវាយប្រហារលើក្រុម Boca Juniors ពេលដែលពួកគេធ្វើដំណើរទៅកាន់ពហុកីឡដ្ឋាន El Monumental ដើម្បីប្រកួតនៅជើងទី២។
ជាមួយគ្នានេះដែរ គេសង្កេតឃើញអ្នកគាំទ្រក្រុមម្ចាស់ផ្ទះ បាននាំគ្នាគប់ និងវាយប្រហារទៅលើរថយន្តក្រុងរបស់ក្រុម Boca Juniors យ៉ាងចាស់ដៃ ពេលដែលពួកគេកំពុងធ្វើដំណើរទៅកាន់កីឡដ្ឋាន El Monumental របស់ក្រុម River Plate។
យ៉ាងណាមិញ នៅក្នុងហេតុការណ៍ខាងលើនេះដែរ បានបង្កឲ្យមានការខូចខាតមួយចំនួនធំដល់រថយន្តក្រុងដែលដឹកកីឡាករ Boca Juniors ហើយក្នុងនោះដែរក៏មានអ្នករងរបួសផងដែរ។
គួររម្លឹកថា ៣ឆ្នាំមុនក្រុមទាំង២នេះក៏ធ្លាប់ប៉ះគ្នាម្ដងរួចមកហើយនៅវគ្គ ១៦ក្រុមចុងក្រោយនៃពាន Copa Libertadores នេះ ហើយកាលនោះការប្រកួតត្រូវបានលុបចោលក្រោយបញ្ចប់វគ្គទី១ ពេលដែលអ្នកគាំទ្រក្រុម Boca Juniors បានធ្វើការវាយប្រហារទៅលើក្រុម River Plate ដោយមានទាំងការបាញ់ម្ស៉ៅម្រេច និងគប់ដបទឹកជាដើមនៅពេលកីឡាករបានដើរចូលទៅក្នុងបន្ទប់ផ្លាស់សម្លៀកបំពាក់៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]