ថៃ: ពីមួយថ្ងៃ ទៅមួយថ្ងៃ ទំនាក់ទំនងស្នេហារបស់តារាសម្តែងស្រីកំពូល Bella Ranee និងតារាសម្តែងប្រុសសង្ហា Weir កាន់តែមានភាពរីកចម្រើនឲ្យគ្នាទៅវិញទៅមក ជារឿយៗ បើទោះបីជា ពួកគេទាំងពីរ មិនសូវមានពេលវេលាគ្រប់គ្រាន់ឲ្យគ្នា ក៏ដោយចុះ។
ជាក់ស្តែង ដូចជាកាលពីពេលប៉ុន្មានថ្ងៃមុននេះ មហាជនគ្រប់ៗគ្នា ក៏បានប្រទះឃើញនាឡិកាដៃ ប្រភេទគូស្នេហ៍ ដែលត្រូវបានពាក់នៅលើដៃរបស់កញ្ញា Bella Ranee អំឡុងពេលកំពុងតែឡើងនិយាយក្នុងកម្មវិធីមួយ នាពេលព្រឹក យ៉ាងគួរឲ្យចាប់អារម្មណ៍ ផងដែរ។ ក៏ព្រោះថា វាមានតម្លៃថ្លៃ រហូតទៅដល់ ៧ សែនបាតជាង ក្នុងមួយគ្រឿង។
ហើយជាមួយគ្នានេះដែរ នាឡិកាមួយគ្រឿងនេះ ក៏ត្រូវបានអ្នកគាំទ្រជាច្រើន ដឹងថា ជាប្រភេទនាឡិកាដៃគូសេ្នហ៍ ដែលមិត្តប្រុសសង្ហារបស់នាង Weir បានទិញឲ្យ សម្រាប់ជាកាដូអបអរសាទរ ពេលខ្សែភាពយន្តភាគរបស់នាង ត្រូវបានបញ្ចប់ ព្រមទាំងទទួលបានភាពជោគជ័យខ្លាំំង ថែមទៀតផង។
ដោយឡែក ទាំងអស់នេះ ក៏កាន់តែបង្ហាញឲ្យឃើញថា លោក Weir ពិតជាស្រលាញ់ និងពូកែយល់ចិត្តមិត្តស្រីជាខ្លាំង ព្រោះមិនថា របស់របរណានោះទេ ឲ្យតែ Bella Ranee ចូលចិត្តលោក និងទិញឲ្យនាងភ្លាម ដោយមិនមានការស្ទាក់ស្ទើរចិត្តឡើយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
