ចិន៖ បណ្តាអ្នកគាំទ្រជាច្រើនមានការភ្ញាក់ផ្អើលយ៉ាងខ្លាំង បន្ទាប់ពីទទួលដំណឹងថាអតីតតារាសម្តែងស្រី ដ៏មានរូបសម្រស់ស្រស់ស្អាត លោកស្រី Yammie Lam បានស្លាប់បាត់បង់ជីវិត នៅក្នុងផ្ទះតែម្នាក់ឯងកាលពីថ្ងៃទី៣ ខែវិច្ចិកាកន្លងទៅនេះ។
យោងតាមសារព័ត៌មានជាច្រើន បានរៀបរាប់ថា ពេលដែលនាងបានស្លាប់ទៅ ក៏មានមិត្តបានចូលគោះទ្វាហៅជាច្រើនដង ក៏ប៉ុន្តែហាក់ដូចជាគ្មានសម្លេង ឬក៏សញ្ញាបញ្ជាក់ប្រាប់ថានាងនៅផ្ទះនោះទេ។ មិនបានប៉ុន្មានផង ពួកគេក៏បានសង្ស័យថាតារាស្រីរូបនេះ ប្រាកដជានៅក្នុងនេះ ហើយមានរឿងអ្វីកើតឡើងជាមិនខាន បន្ទាប់មកមិត្តរបស់នាងក៏បាន Call ហៅប៉ូលិសតែម្តង។
តាមរយៈការពិនិត្យកោសល្យវិច័យ ប៉ូលិសមិនទាន់បានរកឃើញមូលហេតុពិតប្រាកដនៃការស្លាប់របស់នាងនៅឡើយទេ ដូច្នោះហើយគឺត្រូវធ្វើការពិនិត្យ និងរកហេតុផលរយៈពេល២ ទៅ៣ថ្ងៃទៀតសិន ទើបអាចបង្ហាញហេតុផលពិតប្រាកដនៅពីក្រោយការស្លាប់របស់នាងបាន។
ខណៈដែលការស្លាប់របស់លោកស្រី Yammie Lam កំពុងត្រូវបានធ្វើការស៊ើបអង្កេត អ្នកគាំទ្រក៏មានការសោកស្តាយយ៉ាងខ្លាំង ដែលនាងបាត់បង់ទៅត្រឹមរយៈពេលដ៏ខ្លី ថែមទាំងចាកចេញទៅដោយមិនមានមូលហេតុច្បាស់លាស់ទៀត៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]