អបអរសាទរ! ព្រឹកនេះ Janie ចូលរោងការហើយ

ថៃ៖ ក្រោយពេលក្តីស្នេហាដូចផ្លេកបន្ទោររបស់តារាសម្តែងស្រីស៊ិចស៊ី Janie បានទទួលនូវភាពផ្អែមល្ហែមយ៉ាងខ្លាំង នៅព្រឹកនេះនាង និងគូស្នេហ៍វ័យក្មេងគឺលោក Mike ក៏បានដឹកដៃគ្នាចូលរោងការហើយ ពោរពេញទៅដោយស្នាមញញឹម។

ដោយនៅក្នុង ពិធីមង្គលការរបស់អ្នកទាំងពីរនាព្រឹកនេះ គេសង្កេតឃើញមានពិធីភ្ជាប់ពាក្យបំពាក់ចិញ្ចៀន និងពិធីចុះអេតាស៊ីវិលធ្វើជាគូស្វាមីភរិយាយ៉ាងពេញមុខពេញមាត់ ស្របទៅតាមផ្លូវច្បាប់គ្រប់យ៉ាង។

ទន្ទឹមនឹងនេះ គេក៏ឃើញមានការចូលរួមអបអរសាទរជាខ្លាំង ពីសំណាក់មិត្តភក្តិជិតស្និទ្ធរបស់អ្នកទាំងពីរជាច្រើននាក់ ញ៉ាំងឱ្យកម្មវិធីក្នុងថ្ងៃពិសេសនេះរឹតតែមានភាពសប្បាយរីករាយខ្លាំងឡើងថែមទៀត។

ហើយបន្ថែមពីលើនេះ គេក៏ឃើញមានការចូលរួមអបអរសាទរយ៉ាងខ្លាំង ពីបណ្តាអ្នកគាំទ្ររបស់តារាសម្តែងស្រី Janie និងលោក Mike ផងដែរ នៅពេលបានឃើញអាយដលរបស់ពួកគេ ចូលរោងការដោយភាពជោគជ័យ និងស្នាមញញឹមដូច្នេះ៕

តោះចង់ដឹងថាពិធីរៀបការ របស់តារាសម្តែងស្រី Janie មានភាពអធិកអធម និងមានទិដ្ឋភាពរីករាយយ៉ាងណាខ្លះនោះ​ យើងមកតាមដាន ទស្សនារូបភាពខាងក្រោមដោយមេត្រី៖  

• តារាថៃ