ខេត្តបន្ទាយមានជ័យ ៖ សេចក្តីរាយការណ៍ឱ្យដឹងថា ក្មេងប្រុសម្នាក់បានលង់អូរព្រំដែនកម្ពុជា-ថៃ បណ្តាលស្លាប់យ៉ាងអាណោចអាធ័ម បង្កការភ្ញាក់ផ្អើលកាលពីវេលាម៉ោង១០ និង៥០នាទីថ្ងៃត្រង់ ទី១២ តុលា ស្ថិតនៅក្នុងភូមិចំបក់ ឃុំបឹងបេង ស្រុកម៉ាឡៃ ខេត្តបន្ទាយមានជ័យ ។
សេចក្តីរាយការណ៍បន្តថា ក្មេងរងគ្រោះខាងលើ ឈ្មោះ រឿត ផៃ ភេទប្រុស អាយុ០៦ឆ្នាំ មានម្ដាយឈ្មោះ លើត លីន អាយុ២៧ឆ្នាំនិ ងឪពុកឈ្មោះ ឆើយ កុក អាយុ៣៥ឆ្នាំ ស្នាក់នៅក្នុងភូមិចំបក់ ឃុំបឹងបេង ស្រុកម៉ាឡៃ ខេត្តបន្ទាយមានជ័យ ធ្វើការឱ្យថៃទៅព្រឹកវិលល្ងាច ។
ប្រភពបន្តថា នៅមុនពេលកើតហេតុ ក្មេងប្រុសរងគ្រោះ និងបងប្អូន៤នាក់ទៀត នាំគ្នាទៅលេងទឹកអូរព្រំដែន មានស្ពានដោយគ្មានមនុស្សធំទៅជាមួយទេ ដែលមានចម្ងាយពីផ្ទះប្រមាណជា៨០០ម៉ែត្រ ។ ខណៈហែលលេងមួយសន្ទុះ ក្មេងរងគ្រោះក៏បានលង់ ពេលនោះបងប្អូនដែលទៅលេងជាមួយក៏រត់មកប្រាប់ឪពុកម្តាយឱ្យទៅជួយ តែអកុសលទម្រាំពួកគាត់ទៅដល់ ក្មេងប្រុសក៏បានស្លាប់បាត់ទៅហើយ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]