ពិធីរៀបការរបស់ Kelly ម្សិលមិញ រៀបចំយ៉ាងអធិកអធម ផ្អើលអស់តារាៗក្នុងសិល្បៈ

ថៃ៖ ក្រោយស្រលាញ់គ្នាអស់រយៈពេលជាយូរឆ្នាំកន្លងមក ទីបំផុតពេលនេះតារាសម្តែងជើងចាស់វ័យ ៤៧ ឆ្នាំលោក Kelly Thanapat បានដឹកដៃនារីជាទីស្រលាញ់របស់ខ្លួន គឺតារាសម្តែងស្រីវ័យក្មេង Nine Chanuchtra ចូលរោងការហើយ កាលពីថ្ងៃទី ១០ តុលា ម្សិលមិញនេះ។

ហើយនៅក្នុងនោះដែរ គេក៏ឃើញពិធីរៀបមង្គលការរបស់អ្នកទាំងពីរ មានវត្តមានតារាប្រុសស្រីល្បីៗជាច្រើននាក់ បាននាំគ្នាមកចូលរួមអបអរសាទរយ៉ាងអធិកអធមផងដែរ ពោរពេញទៅដោយភាពសប្បាយរីករាយ។

ដោយពិធីមង្គលការមួយនេះបានបែងចែកជា ៣ ដំណាក់កាលធំៗគឺ ពេលព្រឹកធ្វើពិធីភ្ជាប់ពាក្យ ពេលរសៀលម៉ោង ២ ធ្វើសន្និសីទកាសែតចំពោះមុខមហាជន និងពេលល្ងាចគឺធ្វើពិធីជប់លៀងឆ្លងបញ្ចប់កម្មវិធី។

ទន្ទឹមនឹងនេះគូស្វាមីភរិយាតារាថ្មោងថ្មីមួយគូនេះ ក៏បានបង្ហើបឱ្យដឹងថា ពួកគេគ្រោងនឹងចង់បានកូនភ្លោះ បន្តវង្សត្រកូលរបស់ខ្លួនផងដែរ ទៅថ្ងៃអនាគតខាងមុខ៕

តោះចង់ដឹងថាបរិយាកាសនៃពិធីមង្គលការ របស់តារាទាំងពីរដួងមានភាពអធិកអធមខ្លាំងយ៉ាងណានោះ យើងមកតាមដានទស្សនារូបភាពដូចខាងក្រោម៖ 

• តារាថៃ