អាយុទើបខ្ទង់២០ តែ ណា សាឌី បានរស់នៅ និងប្រើប្រាស់ជីវិតយ៉ាងស្តុកស្តម្ភ

ភ្នំពេញ៖ តារាសម្តែងវ័យក្មេង និងជាពិធីការិនីដ៏មានរូបសម្រស់ស្រស់ស្អាតកញ្ញា ណា សាឌី ហាក់ដូចជាមានសន្ទុះកាន់តែខ្លាំងឡើង នៅក្នុងការងារសិល្បៈ បានលេចមុខនៅក្នុងកម្មវិធីតូចធំជាច្រើន។

យ៉ាងណាមិញ មកទល់នឹងពេលនេះ នាងបានឈរឈ្មោះ នៅក្នុងវិថីនេះ ជាយូរណាស់មកហើយ រីឯស្នាដៃដែលនាង បានធ្វើកន្លងមក ក៏មានច្រើនមិនធម្មតានោះដែរ មិនត្រឹមតែប៉ុណ្ណោះ តារារូបនេះ មិនត្រឹមតែមានសមត្ថភាពល្អនោះទេ នាងក៏មានរូបសម្រស់ទាក់ទាញអ្នកគាំទ្រជានិច្ច។

ទន្ទឹមនឹងនេះ បើមកមើលជីវិតឯកជនរបស់នាង ក៏មិនចាញ់តារាដទៃនោះទេ ស្របពេលដែលនាងបានរស់នៅក្នុងទ្រនំយ៉ាងល្អ រីឯឡាន របស់ប្រើប្រាស់សុទ្ធតែទំនើបៗ និងថ្លៃៗ ខណៈពេល ដែលនាងមានវ័យទើបតែខ្ទង់២០ឆ្នាំប៉ុណ្ណោះ។ ទាំងអស់នេះហើយ គឺជាការខិតខំប្រឹងប្រែងធ្វើការងារ មិនថាយប់ថ្ងៃ លើសពីនេះ បន្ទាប់ពីការងារសិល្បៈ នាងក៏មានមុខរបរផ្ទាល់ខ្លួន គឺបើហាងលក់សម្លៀកបំពាក់ផងដែរ។

បន្ទាប់ពីបានឃើញដូច្នោះ មហាជនជាច្រើនក៏បានលាន់មាត់ សរសើរដល់នាងគ្រប់គ្នា ដោយមិនត្រឹមតែក្មេង មានរូបសម្រស់ស្អាត តែបើរឿងការងាររកស៊ីក៏មិនណយនោះដែរ៕

សូមទស្សនារូបភាពខាងក្រោមនេះ៖ 

• ណា សាឌី
• រូបភាព
• តារាខ្មែរ