អេស្ប៉ាញ៖ ខ្សែប្រយុទ្ធឆ្នើមរបស់ក្រុមជម្រើសជាតិអាហ្សង់ទីន កីឡាករ Lionel Messi បានក្លាយជាកីឡាករទី ៣ នៅក្នុងប្រវត្តិសាស្រ្តរបស់ក្លិប FC Barcelona ដែលអាចចូលលេងឲ្យក្លិបយក្សអេស្ប៉ាញចំនួន ៧០០ប្រកួត បន្ទាប់ពីខ្សែបម្រើ Xavier Hernández និងខ្សែបម្រើ Andrés Iniesta ។
ខ្សែប្រយុទ្ធឆ្នើមរបស់ក្រុមអ្នកមានបុណ្យ Barcelona នេះបានចូលលេងនៅក្នុងការប្រកួតទី ៧០០របស់គេ ឲ្យក្រុមដែលមានមូលដ្ឋាននៅក្នុងទីក្រុងកាតាឡាន់ កាលពីយប់មិញនេះ ហើយចំពោះលទ្ធផលដែលគេទទួលបានពីការប្រកួតវិញគឺពួកគេបានភ្លាត់ស្នៀតចាញ់ក្រុម Leganes ដែលក្រុមនៅក្បែរបាត់តារាងនៅក្នុងលទ្ធផល ២-១។
ជាមួយនឹងការបំបែកនូវកំណត់ត្រាក្នុងការបង្ហាញខ្លួន ៧០០ប្រកួតរបស់ម្ចាស់ពានរង្វាន់ Ballon d'Or ចំនួន ៥សម័យកាលនេះដែរ គឺមិនមែនទើបតែលើកទី ១ របស់ក្លិបម្ចាស់ជើងឯកក្របខណ្ឌ La Liga ចំនួន ២៥រដូវកាលនោះទេ ពោលគឺគេបានក្លាយជាកីឡាករទី ៣ហើយដែលគេអាចបង្ហាញខ្លួនឲ្យក្លិបមួយនេះ បន្ទាប់ពីកីឡាករ Xavier Hernández និង Andrés Iniesta ។
ក្នុងនោះដែរ កីឡាករវ័យ ៣១ឆ្នាំនេះក៏ជាកីឡាករឆ្នើមម្នាក់ដែររបស់ក្រុមអ្នកមានបុណ្យ ដែលគេអាចរកប្រាក់ចំណូលបានយ៉ាងច្រើនសន្ធឹកសន្ធាប់ឲ្យក្លិបយក្សអេស្ប៉ាញនេះ ហើយមិនតែប៉ុណ្ណោះកីឡាកររូបនេះថែមទាំងអាចជួយការងារក្នុងក្លិបបានយ៉ាងល្អអស្ចារ្យផងដែរ។
សូមបញ្ជាក់ថា Messi បានឈ្នះពានរង្វាន់ចំនួន ៣៣ពានផ្សេងៗគ្នា ជាមួយក្លិប Barcelona ដោយនៅក្នុងនោះរួមមានដូចជាពានរង្វាន់ La Liga ចំនួន ៩ដង, ពានរង្វាន់ក្របខណ្ឌទ្វីបអឺរ៉ុបចំនួន UEFA Champions League ៤ដង និងពានរង្វាន់ Copas del Rey ចំនួន ៦ដង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
