អង់គ្លេស៖ ក្រុមបិសាចក្រហម Manchester United បានធ្លាក់ចេញពីពានរង្វាន់ Carabao Cup ត្រឹមជុំទី៣ ក្រោយភ្លាត់ចាញ់ក្រុមមកពីលីកទី២ Derby County ដោយបាល់កាត់សេចក្ដីប៉េណាល់ទីក្នុងលទ្ធផល ៧-៨ ក្រោយប្រកួតស្មើគ្នានៅក្នុងម៉ោងធម្មតា ២-២។
ខែ្សបម្រើ Juan Mata រកគ្រាប់បាល់ដំបូងតាំងពីនាទី៣ ឲ្យក្រុមម្ចាស់ផ្ទះនាំមុខ ប៉ុន្ដែត្រូវក្រុមភ្ញៀវតាមស្មើវិញដោយការស៊ុតបាល់ប៉េណាល់ទីយ៉ាងស្អាត នៅនាទី៥៩ របស់កីឡាករ Wilson។ លុះចូលដល់នាទី៦៧ អ្នកចាំទី Sergio Romero បានទះបាល់ក្រៅប្រអប់គ្រោះថ្នាក់ ធើ្វឲ្យអាជ្ញាកណ្ដាលសម្រេចពិន័យកាតក្រហម។ ចូលដល់នាទី៨៦ កីឡាករ Marriott តែតមួយគ្រាប់នាំមុខឲ្យក្រុមភ្ញៀវ ប៉ុន្ដែ Fellaini អាចតាមស្មើបាននៅនាទី៩០+ ដោយការតែត ធើ្វឲ្យលទ្ធផលស្មើ ២-២។
ចូលដល់វគ្គប៉េណាល់ទីម្នាក់៥គ្រាប់ ក្រុមទាំង២ស៊ុតចូលដូចៗគ្នា ប៉ុន្ដែចូលដល់វគ្គស៊ុតបន្ថែមទៀតនោះ ខែ្សការពារ Jone បានភ្លាត់ស៊ុតមិនបានសម្រេច ក្រោយអ្នកចាំទីរបស់ Derby ហក់ត្រូវទិសដែលគេស៊ុត។
ចប់ការប្រកួត Man Utd ធ្លាក់ត្រឹមជុំទី៣ នៃពានរង្វាន់លំដាប់ទី៣ របស់អង់គ្លេស ដោយចាញ់ក្រុម Derby County ក្នុងលទ្ធផល ២-២ (ចាញ់ប៉េណាល់ទី ៧-៨)៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
