អាស៊ី៖ ចាប់តាំងពីឆ្នាំ ២០០៦ មក សន្ទស្សន៍គម្លាតយេនឌ័រសកល របស់វេទិកាសេដ្ឋកិច្ចពិភពលោក បានលើកកម្ពស់ការយល់ដឹងអំពីភាពខុសគ្នានៃយេនឌ័រ (ការមិនផ្តល់តម្លៃ ឬឱកាសស្មើគ្នារវាងប្រុសនិងស្រី) ដែលកើតមានទូទាំងពិភពលោក។ របាយការណ៍ចុងក្រោយ បានបង្ហាញពីរដ្ឋទាំងដប់ដែលមានភាពលេចធ្លោ និងមានគម្លាតយេនឌ័រតិចបំផុត ដោយវិភាគលើឱកាសក្នុងវិស័យសេដ្ឋកិច្ច អប់រំ សុខភាព និង នយោបាយ។
ប្រទេសទាំង១០នោះគឺ៖
១. ហ្វ៊ីលីពីន
ប្រទេសប្រជុំកោះនេះបានលុបបំបាត់គម្លាតយេនឌ័រទាំងស្រុង ក្នុងសមិទ្ធផលផ្នែកវិស័យអប់រំ។
២. បង់ក្លាដេស
ប្រទេសនេះបានលុបបំបាត់ឱកាសមិនស្មើគ្នារវាងបុរសនិងស្ត្រី ៧២% លើគ្រប់វិស័យទាំងអស់។
៣. ម៉ុងហ្គោល
ប្រទេសដែលធ្លាប់មានប្រវត្តិល្បីខាងធ្វើសង្គ្រាមមួយនេះ មានភាពប្រសើរឡើងខ្លាំងក្នុងការបែងចែកអំណាចដល់ស្ត្រី។
៤. ឡាវ
ប្រទេសអាស៊ីអាគ្នេយ៍មួយនេះ ផ្តល់ឱកាសឱ្យចូលរួមបំពេញការងារស្មើគ្នារវាងបុរស និងស្ត្រី។
៥. សិង្ហបុរី
ប្រទេសតូចជាងគេក្នុងតំបន់អាស៊ានមួយនេះ មានកំណើនការចូលបម្រើការងាររបស់ស្ត្រីភេទគួរឱ្យកត់សម្គាល់។
៦. វៀតណាម
ប្រទេសជិតខាងកម្ពុជាយើងមួយនេះ ផ្តល់សមភាពរវាងបុរស និងស្ត្រីដែលចូលរៀនថ្នាក់ឧត្តមសិក្សា។
៧. ថៃ
ប្រទេសដែលមានព្រះមហាក្សត្រទ្រង់គ្រងរាជ្យដូចខ្មែរយើងដែរនេះ មានភាពប្រសើរឡើងផ្នែកតែងតាំងស្ត្រីកាន់តែច្រើនក្នុងតំណែងរដ្ឋមន្ត្រី។
៨. មីយ៉ាន់ម៉ា
ប្រទេសដែលមនុស្សមួយចំនួនហៅថា “ភូមា” គ្មានគម្លាតយេនឌ័រផ្នែកចុះឈ្មោះចូលរៀនថ្នាក់មធ្យមសិក្សា និងឧត្តមសិក្សាឡើយ។
៩. ឥណ្ឌូនេស៊ី
ប្រទេសដែលមានផ្ទៃដីធំបំផុតក្នុងតំបន់អាស៊ានមួយនេះ មានគម្លាតយេនឌ័រចុះឈ្មោះចូលរៀនថ្នាក់បឋមសិក្សាមិនដល់ ១% ផង។
១០. កម្ពុជា
ស្ត្រីកាន់តែច្រើនក្នុងប្រទេសនេះ កំពុងបំពេញភារកិច្ចក្នុងសភា និងតួនាទីគ្រប់គ្រងជាច្រើន។
នេះបើយោងតាមសន្ទស្សន៍គម្លាតយេនឌ័រសកល របស់វេទិកាសេដ្ឋកិច្ចពិភពលោកប្រចាំឆ្នាំ ២០១៨៕
សូមទស្សនាវីដេអូខាងក្រោម៖
តើប្រិយមិត្តយល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]