រាជធានីភ្នំពេញ ៖ រថយន្ដប្រភេទបែន ពណ៌ខៀវ មួយគ្រឿងបុកម៉ូតូហើយកិនពីលើអូសប្រមាណ១០ម៉ែត្រសំណាងល្អអ្នកជិះ៣នាក់ គ្រាន់តែរលាត់ដៃជើងរងរបួសស្រាល កាលពីវេលាម៉ោង៥និង៥០នាទីល្ងាចថ្ងៃទី១៥ មីនា នៅតាមបណ្ដោយផ្លូវជាតិលេខ៥ ត្រង់ចំណុចភូមិស្ពានខ្ពស់ ក្រុមទី១០ សង្កាត់គីឡូម៉ែត្រលេខ៦ ខណ្ឌឫស្សីកែវ ។
ជនរងគ្រោះទាំង៣នាក់ រួមមាន ១-ឈ្មោះ យាន សុខឿន ភេទប្រុស អាយុ២៨ឆ្នាំ ស្នាក់នៅភូមិស្រែកណ្ដោល ស្រុកអង្គស្នួល ខេត្ដកណ្ដាល ត្រូវជាប្ដីរបស់ជនរងគ្រោះឈ្មោះអ៊ុន នី អាយុ២៤ឆ្នាំ និងម្នាក់ទៀតឈ្មោះអ៊ុន រី ភេទស្រី អាយុ២៨ឆ្នាំ ត្រូវជាបង ស្នាក់នៅនិងធ្វើការជាមួយគ្នា មានស្រុកកំណើតនៅភូមិសំរោង ឃុំសំរោង ស្រុកក្រវាញ ខេត្ដពោធិ៍សាត់។ តាមសម្ដីជនរងគ្រោះឈ្មោះយាន សុខឿន បានឱ្យដឹងថា មុនពេលកើតហេតុរូបគេជិះម៉ូតូឌ្រីមសេ១២៥ ស៊េរី២០០៨ ពណ៌ខ្មៅ ឌុបប្រពន្ធនិងបងថ្លៃចេញពីធ្វើការត្រឡប់ទៅផ្ទះវិញតាមបណ្ដោយផ្លូវជាតិលេខ៥ ខណៈមកដល់ចំណុច កើតហេតុក៏ត្រូវរថយន្ដបែន ពណ៌ខៀវ បុកពីក្រោយរួចកិនពីលើអូសប្រមាណ១០ម៉ែត្រ ទើបរថយន្ដឈប់តែសំណាងល្អអ្នកជិះម៉ូតូទាំង៣នាក់ខ្ទាតចេញក្រៅរថយន្ដរងរបួសស្រាល ។
ក្រោយពេលកើតហេតុអ្នកបើករថយន្ដបង្ក និងព្រូបាននាំគ្នារត់គេចខ្លួនបាត់បន្សល់ទុករថយន្ដនៅកន្លែងកើតហេតុ ចំណែករថយន្ដនិងម៉ូតូត្រូវសមត្ថកិច្ចយកទៅរក្សាទុកនៅការិយាល័យនគរបាលចរាចរជើងគោកដើម្បីធ្វើការដោះស្រាយ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]