ព្រឹត្តិការណ៍ដ៏អស្ចារ្យមួយដែលនឹងកក្រើកផ្សារទំនើប AEON Mall ភ្នំពេញ ដែលជាការសហការគ្នាយ៉ាងពិសេសរវាងក្រុមហ៊ុន TrueMoney និងរោងភាពយន្ត Major Cineplex គឺ 4DX by TrueMoney រួមជាមួយកម្មវិធី Launching Ticketing គ្រោងនឹងដាក់សម្ពោធជាផ្លូវការហើយនៅសប្តាហ៍នេះ។
ក្រុមហ៊ុនបម្រើសេវាវេរលុយដ៏ធំមួយនេះ បានពង្រីកការផ្តល់ជូនអតិថិជននូវសេវាបន្ថែមថ្មី មួយទៀតតាមរយៈការចាយលុយអេឡិចត្រូនិកដោយប្រើកម្មវិធី TrueMoney ក្នុងទូរស័ព្ទដៃជាមួយនឹងអត្ថប្រយោជន៍ដ៏សម្បូរបែបសម្រាប់អតិថិជនទាំងអស់។ អតិថិជនអាចទិញសំបុត្រកុន បញ្ចូលកាតទូរសព្ទ ទិញទំនិញ អាហារ និងភេសជ្ជៈ ដោយគ្រាន់តែ មានកម្មវិធី TrueMoney ក្នុងទូរសព្ទដៃជាការស្រេច។ មិនត្រឹមតែចំណេញពេលវេលា លឿនរហ័ស សុវត្ថិភាព ប៉ុណ្ណោះទេ ក៏មានការបញ្ជុះតម្លៃយ៉ាងច្រើនផងដែរ។
ប្រធានផ្នែកទីផ្សារក្រុមហ៊ុន ទ្រូម៉ាន់នី លោក ឈន់ សកល បានឲ្យដឹងថា៖
« ដើម្បីឲ្យរិតតែអស្ចារ្យក្រុមហ៊ុននឹងរៀបចំកម្មវិធីទាំង២នេះបញ្ជូលគ្នាក្នុងថ្ងៃតែមួយជាមួយគ្នាតែម្តង គឺកម្មវិធីសម្ពោធរោងភាពយន្ត 4DX by TrueMoney និងកម្មវិធីសម្ពោធមុខងារថ្មីនៃការទិញសំបុត្រកុនតាមទូរសព្ទដៃ នៅថ្ងៃសុក្រ ទី០៧ ខែកញ្ញា ឆ្នាំ២០១៨នេះ ចាប់ពីម៉ោង ៣ រសៀលតទៅ »។
លោកបានបន្ថែមថា កម្មវិធីនេះក៏នឹងមានការចូលរួមសម្តែងពីតារាល្បីៗក្នុងព្រះរាជាណាចក្រកម្ពុជា ជាច្រើនរូប ការលេងហ្គេមយករង្វាន់ ការទស្សនាភាពយន្ត 4DX ដោយឥតគិតថ្លៃ ជាពិសេសកញ្ញា រ៉ាប៊ី ម្ចាស់បទ «មាន់ស្រែ» ដ៏ល្បីក៏នឹងមានវត្តមាននៅទីនោះផងដែរ ។
សូមអញ្ជើញចូលរួមដោយសេរីក្នុងកម្មវិធីសម្ពោធជាផ្លូវការនេះទាំងអស់គ្នា ហើយកុំភ្លេច Download កម្មវិធី TrueMoney ចូលក្នុងទូរសព្ទដៃរួចដាក់លុយនៅកន្លែងវេរលុយរបស់ភ្នាក់ងារទ្រូម៉ាន់នី ឲ្យបានគ្រប់ៗគ្នាដើម្បីទទួលបានកាដូរពិសេសពីទ្រូម៉ាន់នី៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
