បើកបង្ហាញបរិវេណក្នុងផ្ទះ ផន សុផារី ទំនើបហាយសូខ្លាំង

ភ្នំពេញ៖ ជីវិតក្រោយពេលរៀបការ របស់កូនស្រីថៅកែល្ខោនបានសាក់ អ្នកនាង ផន សុផារី  ហាក់ដូចជាមានក្ដីសុខខ្លាំងមែនទែន ជាពិសេសបន្ទាប់ពីនាងបានបង្កើតកូនស្រីដ៏គួរឲ្យស្រលាញ់ជូនស្វាមីសង្ហា។

ក្នុងនោះក៏មានប្រិយមិត្តមួយចំនួនបានជ្រាបមកហើយថា ក្រៅពីអាជីពជាតារាចម្រៀងបុរាណ អ្នកនាងក៏ជាថៅកែស្រី ក្ដោបក្ដាប់មុខជំនួញជាច្រើនក្នុងដៃ ជាហេតុធ្វើឲ្យប្រភពចំណូលរបស់គ្រួសារតារារូបនេះ កាន់តែមានភាពសម្បូរបែប មិនខ្វះចាយឡើយ។

អ្វីដែលកាន់តែគួរឲ្យសរសើរខ្លាំងនោះ ទើបតែមានវ័យក្មេងប៉ុណ្ណឹងសោះ ប្ដីប្រពន្ធមួយគូនេះ អាចមានលទ្ធភាព ទិញផ្ទះធំទ្រនំខ្ពស់ ថែមទាំងមានការរៀបចំយ៉ាងស្រស់ស្អាតទៀតផង។ តួយ៉ាង មិនថាតែបន្ទប់គេង បន្ទប់ទទួលភ្ញៀវ គ្រប់បរិវេណក្នុងផ្ទះវីឡាអ្នកនាង ត្រូវបានដេគ័រយ៉ាងពិសេស មើលទៅពិតជា ទំនើប ហាយសូរខ្លាំងណាស់ ហើយគ្រាន់តែឃើញក៏គួរឲ្យចង់រស់នៅដែរ។

គួររម្លឹកដែរថា កាលពីប៉ុន្មានថ្ងៃមុននេះ អ្នកនាង ផន សុផារី និងស្វាមីទើបតែចំណាយលុយរាប់ម៉ឺនដុល្លារប្ដូរស៊េរីឡានទំនើបថ្មីស្រឡាងមួយគ្រឿង ទាំងនេះអាចបញ្ជាក់បានថា ជីវិតរស់នៅរបស់គ្រួសារអ្នកនាង ពិតជាឡូយឆាយខ្លាំងមិនធម្មតាទេ៕

ចង់ជ្រាបកាន់តែច្បាស់ថា ទិដ្ឋភាពក្នុងផ្ទះរបស់ ផន សុផារី ធំស្អាតខ្លាំងប៉ុណ្ណាទស្សនារូបភាពទាំងអស់គ្នា៖

• ផន សុផារី
• រូបភាព
• តារាខ្មែរ