ភ្នំពេញ៖ កាលពីថ្ងៃទី ១៣ ខែសីហា ឆ្នាំ២០១៨ តារាចម្រៀងមុខស្រស់លោក នីកូ និងរាជនីក្បាច់រាំកញ្ញា ទេព បូព្រឹក្ស ក្រុមរាំដ៏ល្បី OMG បានធ្វើឲ្យកក្រើកការសម្ដែង ក្នុងកម្មវិធីសម្ពោធ Huawei nova3i/Nova 3 និងជួបជុំតំណាងចែកចាយ Huawei បន្ថែមដោយវត្តមានតារាសិល្បៈល្បីៗនៅកម្ពុជា រួមមានពិធីករ និងអ្នកដឹកនាំកម្មវធីដ៏ល្បី លោក តាប៊ុយ កំពូលម៉ូដែល ចាន់ គង្ការ សុផា លីនដា ម៉ា រីលីន ពីយ៉ា វេកា ក្រុមអ្នកព័ត៌មាន រួមទាំងថ្នាក់ដឹកនាំដេប៉ូចែកចាយផ្លូវការតែមួយគត់ក្រុមហ៊ុន Yako Technology សរុបប្រមាណ ៨00 នាក់ បានមកចូលរួមសម្ពោធស្មាតហ្វូន Huawei nova 3/3i ហើយបានសម្ដែងចំណាប់អារម្មណ៍រីករាយភ្ញាក់ផ្អើល ជាមួយឱកាសបានប្រើប្រាស់ស្មាតហ្វូនស៊េរីចុងក្រោយនេះ ថតរូបភាព និងវីដេអូសប្បាយៗ ប្រើបច្ចេកវិទ្យា និងមុខងារថ្មីៗ នៅឯសណ្ឋាគារសុខា ភ្នំពេញ។
លោក Henry Hsiao (ហេនរី សាវ) អគ្គនាយកគ្រប់គ្រងថ្មី នៃសាជីវកម្មផ្នែកទូរស័ព្ទនៅកម្ពុជា បានរំលឹកសមិទ្ធផលសំខាន់ៗរបស់ក្រុមហ៊ុនទាំង នៅទូទាំងពិភពលោក និងនៅកម្ពុជាថា៖
«គិតមកត្រឹមថ្ងៃ ១៨ ខែកក្កដា ២០១៨ ក្រុមហ៊ុនលក់បានចំនួន ១00 លានគ្រឿង គឺជាតួរលេខបំបែកកំណត់ត្រាថ្មី ហ៊ូរវ័យបានទទួលជោគជ័យ ដោយវ៉ាដាច់ក្រុមហ៊ុន អេផល ជាដំបូងក្នុងកំឡុងពេល ៧ ឆ្នាំតាំងពីក្រុមហ៊ុនចាប់ផ្តើមអាជីវកម្មទូរស័ព្ទទទួលបានចំណាត់ថ្នាក់លេខ ២ ទាំងបរិមាណលក់ និងចំណែកទីផ្សារនឹងសម្រេចបាននូវតួលេខលក់ប្រមាណលើស ២00 លានគ្រឿងក្នុងឆ្នាំ ២០១៨»។
លោកបានបន្ថែមថា៖
«Huawei Nova 3i/ Nova 3 គឺជាតារាកំពុងរះ ពណ៌ឆើតឆាយ យុវវ័យឡូយឆាយ ទាន់សម័យលេងខ្លួន ទទួលបានការពេញនិយម និងលក់ដាច់បំផុតមិនដែលធ្លាប់មានក្នុងបណ្តាប្រទេស ហ្វីលីពីន ម៉ាឡេសីុ វៀតណាម ថៃ ជាមួយនឹងតួលេខដ៏ច្រើនសម្បើមមិនដែលធ្លាប់មាន»។
Huawei nova 3 មានបំពាក់កាមេរ៉ាមុខពីរគ្រាប់ទំហំ 24M + 2MP និងកាមេរ៉ាភ្លោះខាងក្រោយទំហំ 24M + 16MP ថតបែបអាជីព ធ្វើឲ្យកម្រិតរូបភាពដិតច្បាស់ល្អ ច្រើនជម្រើសដូចជា ជំនួយឲ្យសភ្លឺច្បាស់ ស្អាតបែបធម្មជាតិ ថតរូបបែប bokeh effect មានផ្ទៃក្រោយព្រាលបែបស្រទន់ត្រជាក់ភ្នែក។ រីឯមុខងារ HDR Pro ធ្វើឲ្យមានតុល្យភាពពន្លឺរូបភាពច្បាស់គ្រប់ចំណុចមិនថាស្ថានភាពចាំងខ្លាំង កម្រិត Aperture F1.8 បច្ចេកវិទ្យា AI សម្គាល់ប្លង់រូបភាពដោយស្វ័យប្រវត្តិ ទាំងក្រោយ និងមុខ ជួយការថតសែលហ្វីស្អាតដូចតារា និងលេចធ្លោ។
Huawei nova 3i មានបំពាក់កាមេរ៉ាមុខពីរគ្រាប់ទំហំ 24M + 2MP និងកាមេរ៉ាភ្លោះខាងក្រោយទំហំ 16M + 2MP ជាមួយការឌីហ្សាញរាងរៅដ៏ប្រណីត ប្រើកញ្ចក់ស្រោបទាំងមុខ និងក្រោយប្រដេញពណ៌ភ្លឺចែងចាំង លម្អដោយគែមអាលុយមីញ៉ូម បំពាក់នូវអេក្រង់ឆកធំ ទំហំ ៦,៣ អ៊ីញ កម្រិត Full HD+ ផ្ដល់នូវបទពិសោធន៍ទស្សនាភាពយន្ត និងលេងហ្គេមម៉ាពេញចិត្ត ក៏ដូចជាឆ្លើយតបនឹងតម្រូវការបទពិសោធន៍លេងហ្គេមដ៏រលូន Huawei បានដាក់ឲ្យប្រើនូវ GPU Turbo ជួយបង្កើនដំណើរការកា្រហ្វិកឥតទាស់ចិត្ត នាំមកនូវបទពិសោធន៍ដ៏រំជើបរំជួលសម្រាប់យុវវ័យ។
Huawei nova 3 បំពាក់ដោយ chip Kirin 970, GPU Mali-G72 PM12, CPU 8 Core 4 រត់នៅល្បឿន 2.4 និង 1.8 ហើយមាន RAM 6GB, ROM 128 GB រីឯ nova 3i បំពាក់ chip Kirin 710 កម្លាំងថ្មវិញក៏មិនណយដែរ គឺ 3750 mAh សម្រាប់ nova 3 ហើយមាន Fast Charge សាកថ្មលឿនទាន់ចិត្ត Type C និង 3340 mAh សម្រាប់ nova 3i ថែមទាំងប្រព័ន្ធសុវត្ថិភាពមានស្គេនម្រាមដៃ និងដោះសោដោយប្រើមុខបានគ្រប់មុំ (3D)។
ចំណែកលាក ថង សារី នាយកផ្នែកចែកចាយបានបញ្ជាក់ និងបង្ហាញពីយុទ្ធសាស្រ្តទីផ្សារថា៖
«សព្វថ្ងៃនេះ ស្មាតហ្វូន Huawei មានប្រជាប្រិយភាពខ្ពស់ ទទួលបានចំណែកទីផ្សារលេខ ២ និងទទួលបានការគាំទ្រពីដៃគូពាណិជ្ជកម្ម តារាល្បីៗរបស់យើង និងមិត្តអ្នកសារព័ត៌មាន ក៏ដូចជាមហាជននៅកម្ពុជា ជាមួយហាងចំនួនជាង ១៥០០ កន្លែង គ្របដណ្ដប់ ២៥ ខេត្ត-ក្រុង ទូទាំងប្រទេសតែម្ដង។ យើងមានក្ដីប្រាថ្នាមោះមុតចំពោះប្រជាជនកម្ពុជាឲ្យទទួលបានបទពិសោធន៍បច្ចេកវិទ្យាថ្មីពី Huawei nova3/3i ដោយប្រើប្រាស់វាបំពេញតម្រូវការយ៉ាងឆ្លាតវៃ។ យើងជឿជាក់ថា Huawei nova3/3i ជាមួយកាមេរ៉ា 24MP, 4 AI Camera និង128 GB ROM នឹងនាំមកនូវបទពិសោធល្អឥតខ្ចោះដល់អ្នកប្រើប្រាស់ស្មាតហ្វូននៅកម្ពុជា»។
លោកបានបន្ថែមថា៖
«យុទ្ធសាស្រ្តទីផ្សារសំខាន់ៗដើម្បីជំរុញការលក់ និងលើកទឹកចិត្តម្ចាស់ហាងរួមមានៈ -ការបើកលក់ដំបូងពេលស្តុកមកដល់ថ្ងៃ ១៨-0៨ នៅអីអន ២ សហការណ៍ជាមួយហាងណូជីម៉ា និងហាងចំនួន ១៦ ដែលអតិថិជន ៥00 នាក់ដំបូងនឹងទទួល Huawei Power Bank (6700 mAh) បានបន្ថែម។ -ការផ្សព្វផ្សាយស្ពតពាណិជ្ជកម្មតាមទូរទស្សន៍រយៈពេល ១ ខែពេញចំនួន ២00 ស្ពត ការប្រគំតន្រ្តីខ្នាតធំដើមខែ ៨ នៅអីអន ២ ដោយហាងធំៗចំនួន ១00 ដែលទទួលកុម្ម៉ងទុកជាមុនច្រើនបំផុត នឹងទទួលបានសំបុត្រចូលទស្សនា។ -ការប្រកួតលក់ក្នុងរយៈពេល ១00 ថ្ងៃដំបូង ដែលលក់ Nova3i បាន ៣៣៣ គ្រឿងនឹងទៅទស្សនាស្នាក់ការធំក្រុមហ៊ុន Huawei នៅប្រទេសចិន»។
អតិថិជនអាចកុម្ម៉ងទុកជាមុនជាមួយនឹង Huawei nova 3 តម្លៃ ៤៦៩ ដុល្លារ និង nova 3i តម្លៃជាង ៣២៩ ដុល្លារ នឹងទទួលបាន Bluetooth Speaker ដ៏កាលីប Original ហើយថែមស៊ីមស្មាត ជាមួយកញ្ចប់សេវាកម្មធំហ្មង ១២ សប្ដាហ៍ និង ១៦ សប្ដាហ៍៕
តោះ! ទស្សនាវីដេអូលម្អិតស្ដីពីលក្ខណៈពិសេស Huawei nova3/3i និងវីដេអូពីការកុម្ម៉ងទុកជាមុន៖
ព័ត៌មានលំអិត សូមឆែកបណ្តាញសង្គម និងគេហទំព័រខាងក្រាមនេះ៖
Facebook: Huawei Mobile (KH)
Instagram: huaweimobilekh
Website: www.consumer.huawei.com/kh
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]