អង់គ្លេស៖ អតីតអ្នកចាត់ការទូទៅដ៏ជោគជ័យបំផុតរបស់ក្លិបបិសាចក្រហម Manchester United លោក Sir Alex Ferguson បានចេញនូវវីដេអូមួយដែលលោកបានធ្វើការថ្លែងអំណរអរគុណដល់ពិភពលោកទាំងមូល ដែលបារម្ភអំពីជម្ងឺលោកលើកដំបូង ក្រោយពីវះកាត់ឈាមហូរក្នុងខួរក្បាលជោគជ័យ។
នៅក្នុងវីដេអូប្រហែលជិត ១នាទី ដែរបង្ហោះដោយក្លិបបិសាចក្រហម Manchester United បានបង្ហាញអំពីវត្តមានរបស់អតីតគ្រូបង្វឹកដ៏ជោគជ័យរូបនេះ។
បើទោះជាលោកមិនទាន់ជាសះស្បើយ ១០០ភាគរយមែន ប៉ុន្តែវីរបុរសរបស់ក្លិបបិសាចក្រហមអង់គ្លេសរូបនេះអាចនិយាយបានជាធម្មតាវិញហើយ។
គួរឲ្យដឹងថា លោក Ferguson បានសម្ដែងនូវការថ្លែងអំណរគុណដល់ក្រុមពេទ្យ គ្រួសាររបស់លោក ក្លិបបិសាចក្រហម ព្រមទាំងអ្នកគាំទ្រទាំងអស់ដែលបាននិយាយពាក្យល្អៗ និងជូនពរដល់ទៅលោក នៅពេលលោកមានបញ្ហាសុខភាពធ្ងន់ធ្ងររហូតឈានដល់ការវះកាត់។
លោកក៏បានបញ្ជាក់ថា នៅរដូវកាល ២០១៨-១៩ ខាងមុខនេះលោកនឹងមានវត្តមានក្នុងការទស្សនាដោយផ្ទាល់នូវការប្រកួតរបស់ក្លិបបិសាចក្រហម។ ចំណែកឯនៅចុងបញ្ចប់នៃវីដេអូ លោកបានជូនពរដល់ Manchester United ឲ្យជោគជ័យក្នុងរដូវកាលថ្មីផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
