អុីតាលី៖ បន្ទាប់ពីក្លិបបាល់ទាត់ AC Milan បានទទួលទណ្ឌកម្មមិនឲ្យចូលរួមក្នុងការប្រកួតនៅក្នុងពានរង្វាន់ Europa League រយៈពេលមួយឆ្នាំរួចមក ពេលនេះសហព័ន្ធបាល់ទាត់ពិភពលោកដែលហៅថា FIFA បានធ្វើសម្រេចចិត្ត ដកចេញការពិន័យនេះវិញហើយ ដោយសារតែមានការស្នើសុំ។
គួររម្លឹកផងដែរថា សហព័ន្ធបាល់ទាត់ទ្វីបអឺរ៉ុបមួយនេះ បានសម្រេចដាក់ពិន័យក្រុមម្ចាស់ជើងឯក Champions League ៧សម័យមួយនេះ បន្ទាប់ពីក្លិបនេះបានចំណាយប្រាក់ដល់ទៅ ២០០លានផោន (ប្រហែលជាង ២៦២ លានដុល្លារអាមេរិក) ទៅលើការទិញដូរកីឡាករ ដែលផ្ទុយទៅនឹងច្បាប់សមធម៌ហិរញ្ញវត្ថុ (Financial Fair Play) របស់ FIFA ដែលបានកំណត់។
ទោះជាយ៉ាងណាក៏ដោយ តុលាការមជ្ឈត្តកម្មកីឡា ឬតុលាការអាជ្ញាកណ្តាលកីឡា (Cour of Arbitration for Sport) របស់ប្រទេសអុីតាលី បានទទួលយកពាក្យបណ្ដឹងឧទ្ធរណ៍ ពីក្រុមរបស់គ្រូបង្វឹកលោក Gennaro Gattuso មួយនេះ ដោយបានសម្រេចកាត់ក្តីឲ្យកូនក្រុមរបស់លោកអាចមានសិទ្ធចូលលេងក្នុងពានរង្វាន់ Europa League នៅរដូវកាលថ្មីខាងមុខនេះបានឡើងវិញផងដែរ។
សូមបញ្ជាក់ថា ក្លិបបាល់ទាត់ AC Milan ដែលមានលោក Li Yonghong ដែលជាមហាសេដ្ឋីរបស់ប្រទេសចិនម្នាក់ និងជាម្ចាស់ក្លិបបាល់ទាត់អុីតាលីនេះផ្ទាល់ គឺក្លិបរបស់លោកអាចមានសិទ្ធចូលរួមប្រកួតបានតែពានរង្វាន់កម្រិតទី២ ខាងលើនេះតែប៉ុណ្ណោះ ដោយសារតែក្រោយបញ្ចប់លីក Serie A ក្រុម AC Milan គឺឈរនៅក្នុងលំដាប់ទី៦ នៃតារាងលីកកំពូលរបស់ប្រទេសអុីតាលីមួយនេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]