សកម្មភាពដ៏ស្វិតស្វាញ របស់ក្រុមជួយ សង្គ្រោះពីទឹកជំនន់ បានធ្វើឲ្យប្រជាពលរដ្ឋខ្មែរ សប្បាយចិត្តពេលឃើញទង្វើបែបនេះ

ក្រុងព្រះសីហនុ៖ ត្រឹមតែរយៈពេលប៉ុន្មានថ្ងៃ ធ្វើឲ្យទឹកជំនន់ជន់លេចដំនាំ ផ្ទះប្រជាពលរដ្ឋខ្មែរជាច្រើនកន្លែង ដែលមានដូចជាក្រុងព្រះសីហនុ នៅលើផ្លូវជាតិលេខ៤ និងនៅឯខេត្តកោះកុង មិនត្រឹមតែប៉ុណ្ណោះតាមបណ្តាខេត្តដទៃទៀតក៏ហាក់ដូចជាចាប់ផ្តើមលិច ធ្វើឲ្យខូចផ្លូវ និងលិចផ្ទះផងដែរ។

ស្របពេលជាមួយគ្នានេះ ឃើញថាក៏មានកម្លាំងជាច្រើនបានចុះទៅជួយសង្គ្រោះប្រជាពលរដ្ឋនៅទីជន់លិចទាំងប៉ុន្មានខេត្តនោះផងដែរ ហើយក៏សូមសរសើរទៅដល់ក្រុមអ្នកជួយសង្គ្រោះ ដែលបានជួយគ្នានៅក្នុងគ្រាលំបាកបែបនេះ ទាំងដែលមានភ្លៀងធ្លាក់មិនឈប់ ត្រូវដើរកាត់ភ្លៀង ជិះទូកដើម្បីធ្វើដំណើរទៅជួយពួកគេ ក៏ដូចជាជួយយកទ្រពសម្បត្តិដែលត្រូវលិច ដើម្បីមកដល់កន្លែងគោក។

មិនត្រឹមតែប៉ុណ្ណោះនោះទេ ក៏មានប្រជាជនរស់នៅទៅនោះនាំគ្នាស្ទុះស្ទារជួយគ្នា ទាំងភ្លៀងសើមពេញខ្លួនប្រាណ ឲ្យតែបានជួយពួកគេចេញពីភាពលំបាកទាំងនេះ។

ទង្វើរបស់ប្រជាពលរដ្ឋ ក៏ដូចជាក្រុមអ្នកជួយសង្គ្រោះបានធ្វើឲ្យមហាជនជាច្រើនបានកោតសរសើរទៅដល់រូបគាត់ ដែលចេះស្រលាញ់គ្នា និងចេះជួយគ្នាក្នុងគ្រាលំបាកបែបនេះ ដោយមិនមើលនឹងភ្នែកនោះទេ៕

សូមទស្សនាកម្រងសកម្មភាពក្រុមអ្នកសង្គ្រោះទៅជួយប្រជាជនដែលនៅកន្លែងមានទឹកជំនន់នៅក្នុងបណ្តាខេត្តទាំងប៉ុន្មាន ខាងក្រោមនេះ៖ 

• អាកាសធាតុ