រាជធានីភ្នំពេញ ៖ យុវជនម្នាក់ដួលបោកក្បាលរបួសធ្ងន់ដោយសារជិះម៉ូតូចេញពីផឹកទឹក ត្នោតជូរទៅបុកកង់ក្មេងប្រុសអាយុ១០ឆ្នាំ ពីក្រោយបណ្ដាលឱ្យដួលរងរបួសទាំងពីរនាក់ កាលពីវេលាម៉ោង៦និង៤០នាទីយប់ថ្ងៃទី១៣ មីនា ស្ថិតក្នុងភូមិព្រៃសាលា សង្កាត់កាកាប ខណ្ឌពោធិ៍សែនជ័យ ។
ជនរងគ្រោះឈ្មោះម៉េង ហៀង ភេទប្រុស អាយុ១៨ឆ្នាំ ស្នាក់នៅភូមិកើតហេតុត្រូវម្ដាយប្រាប់ឱ្យដឹងថា មុនពេលកើតហេតុជនរងគ្រោះបានជិះម៉ូតូគុបជ្រុង៥០ ពណ៌ទឹកប៊ិច ទៅផឹកទឹកត្នោតជូរជាមួយមិត្ដភក្ដិ ។ លុះត្រឡប់មកវិញ បានជ្រុលទៅបុកកង់ក្មេងប្រុសម្នាក់អាយុជាង១០ឆ្នាំ ដែលស្នាក់នៅក្នុងភូមិជាមួយគ្នា ពីក្រោយបណ្ដាលឱ្យដួលបោកក្បាលនឹងថ្នល់រងរបួស ចំណែកក្មេងប្រុសនោះក៏រងរបួសធ្ងន់ដែរ។
ក្រោយពេលកើតហេតុក្មេងប្រុសរងគ្រោះត្រូវក្រុម គ្រួសារបញ្ជូនទៅព្យាបាលនៅគ្លីនិកឯកជនជិតកន្លែងកើតហេតុ ចំណែកជនរងគ្រោះត្រូវក្រុមគ្រួសារដឹកតាមរ៉ឺម៉កម៉ូតូយកទៅ ព្យាបាលនៅមន្ទីរពេទ្យព្រះកុសុមៈ ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
