អេស្ប៉ាញ៖ ក្លិបអធិរាជស Real Madrid បានបញ្ជូនអ្នកនាំពាក្យម្នាក់ដែលជាមន្ត្រីជាន់ខ្ពស់ ឲ្យទៅចរចាជាមួយឪពុក Neymar ដោយផ្ទាល់ក្រោយពីពួកគេបានសម្រេចលក់ខ្សែប្រយុទ្ធ Cristiano Ronaldo ឲ្យទៅក្លិប Juventus រួចមក។
ដោយផ្អែកលើសារព័ត៌មានប្រេស៊ីលមួយដែលមានឈ្មោះថា Globesporte បានចុះផ្សាយកាលពីយប់មិញនេះ បានឲ្យដឹងថា ប្រធាននាយកដ្ឋានបាល់ទាត់អន្តរជាតិរបស់ក្លិប Real Madrid លោក Juni Calafat ត្រូវបានម្ចាស់ក្លិបចាត់ឲ្យទៅធ្វើការចរចាជាមួយឪពុករបស់កីឡាករ Neymar ផ្ទាល់តែម្តងក្រោយពីលើកមុននេះពួកគេបានបរាជ័យម្តងរូចទៅហើយក្នុងការនាំយកអតីតខ្សែប្រយុទ្ធរបស់ក្លិប Barcelona រូបនោះមកកាន់ទឹកដី Santiago Bernabéu។
ទោះជាយ៉ាងណាក្តី បើតាមប្រភពច្បាស់ការណ៍របស់ក្លិប Real Madrid ផ្ទាល់បានឲ្យដឹងច្បាស់ថាក្លិប PSG នឹងមិនព្រមលក់ខ្សែប្រយុទ្ធប្រេស៊ីលរូបនោះជាដាច់ខាត់ ប៉ុន្តែមានតែមនុស្សម្នាក់ទេដែលអាចជួយឲ្យពួកគេសម្រេចលក់ ខ្សែប្រយុទ្ធរូបនោះបានគឺលោក Neymar Santos Sr ដែលជាឪពុករបស់ Neymar ផ្ទាល់តែម្តង។
សូមបញ្ជាក់ថា ក្លិបយក្សអេស្ប៉ាញនូវតែមានសង្ឃឹមតាមរយៈការបញ្ចូនអ្នកនាំពាក្យរូបនោះឲ្យទៅចរចាជាមួយឪពុករបស់ Neymar អាចនឹងមានលទ្ធផលត្រលប់មកវិញច្រើនព្រោះថា Ronaldo បានចាកចេញពីក្លិបទៅចូលរួមជាមួយ Juventus បាត់ទៅហើយ ដូច្នេះតំណែងប្រយុទ្ធកំពុងតែទំនេរសម្រាប់ Neymar ជាលើកទីពីរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
