ដឹកនាំធ្លាក់មែន តែគ្រូអង់គ្លេស ត្រៀមចុះកុងត្រាដឹកនាំបន្ដ ៥ឆ្នាំទៀត

អង់គ្លេស៖ សហព័ន្ធបាល់ទាត់របស់ប្រទេសអង់គ្លេស ហៅកាត់ថា FA កំពុងត្រៀមផ្ដល់កិច្ចសន្យាថ្មីដល់គ្រូបង្វឹកលោក Gareth Southget ក្នុងការដឹកនាំក្រុមជាបន្ដ។ 

គ្រូបង្គោលដែលជាអតីតខែ្សការពារក្រុមតោកំណាច់អង់គ្លេសផ្ទាល់ បានដឹកនាំក្រុមមួយនេះដោយសម្បូរទៅដោយកីឡាករក្មេងៗ អោយឡើងដល់វគ្គពាក់កណ្ដាលផ្ដាច់ព្រ័ត្រពានរង្វាន់ពិភពលោក ប៉ុន្ដែត្រូវបរាជ័យក្រោមថ្វីជើងក្រុមក្រូអាត ក្នុងលទ្ធផល ២-១ កាលពី២ថៃ្ងមុន។

យ៉ាងណាក្ដី Southgate ត្រូវបានផ្ដល់ទំនុកចិត្ដដោយសហព័ន្ធពេញទំហឹង ហើយលោកនឹងត្រៀមចុះកុងត្រាជាបន្ដ ដែលកុងត្រាថ្មីនេះនឹងមានរយៈពេល ៥ឆ្នាំ។ 

គោលដៅបន្ទាប់របស់ក្រុមជម្រើសជាតិ គឺត្រូវប្រកួតប្រជែងក្នុងពានរង្វាន់ Euro ដែលធើ្វឡើងនៅឆ្នាំ២០២០។

សូមបញ្ជាក់ថា លោក Southgate បានទទួលប្រាក់លើកទឹកចិត្ដចំនួន ៣៥០០០០ផោន ក្នុងការនាំក្រុមអង់គ្លេស ឲ្យឈានឡើងមកកាន់វគ្គពាក់កណ្ដាលផ្ដាច់ព្រ័ត្រនេះ ខណៈកុងត្រាថ្មីរបស់លោក ត្រូវគេបានគេរំពឹងថាលោកនឹងទទួលបានថៃ្លឈ្នួលដល់ទៅ ៥លានផោនឯណោះ ក្នុង១ឆ្នាំ៕