រុស្សុី៖ សហព័ន្ធបាល់ទាត់ពិភពលោកដែលហៅកាត់ថា FIFA បានប្រើប្រាស់នូវបច្ចេកវិទ្យាថ្មីៗនឹងចុងក្រោយបង្អស់ចំនួន ៣ ដើម្បីធ្វើការកាត់សេចក្តីឲ្យកាន់តែមានភាពយុត្តិធម៌ សម្រាប់ការប្រកួតវគ្គផ្ដាច់ព្រ័ត្រ្តរវាងក្រុមបារាំងនិងក្រុមក្រូអាតនៅរយៈពេល ៣ ថ្ងៃខាងមុខនេះ សម្រាប់ព្រិត្តឹការណ៏ World Cup ដែលធ្វើឡើងនៅប្រទេសរុស្សី។
ចាប់តាំងពីការប្រកួតវគ្គជម្រុះក្នុងពូលរូចមក FIFA បានដាក់ឲ្យប្រើប្រាស់នូវបច្ចេកវិទ្យាកំពូលៗចំនួន ៣ រូចមកហើយដើម្បីជាជំនួយសម្រាប់ការប្រកួត ជាពិសេសសម្រាប់ផ្តល់ភាពងាយស្រួលក្នុងការសម្រេចចិត្តរបស់អាជ្ញាកណ្ដាលកាត់សេចក្តីនៅក្នុងទីលានប្រកួតតែម្តង ហើយបច្ចេកវិទ្យាដែលត្រូវបានប្រើប្រាស់សម្រាប់ World Cup ឆ្នាំ ២០១៨ នាប្រទេសរុស្សីនោះរួមមាន៖
១. បច្ចេកវិទ្យា Goal-Line
កាលពីព្រឹត្តិការណ៍ FIFA World Cup ឆ្នាំ ២០១៤ កន្លងទៅខ្សែប្រយុទ្ធក្រុមជម្រើសជាតិបារាំងកីឡាករ Karim Benzema ជាកីឡាករមុនដំបូងគេបង្អស់ ដែលទទួលបានអត្ថប្រយោជន៍ពីបច្ចេកវិទ្យាមួយនេះ ពោលគឺពេលដែលគេតែតបាល់ចូលទីក្រុមជម្រើសជាតិហុងឌូរ៉ាស់ តែត្រូវលងចេញមកវិញ។
ជាលទ្ធផលបច្ចេកវិទ្យា Goal-Line នេះ បានបញ្ជាក់ថាគ្រាប់បាល់របស់គេពិតជាបានចូលមកក្នុងប្រអប់ទីរួចទៅហើយ ទោះបីជាវាចូលបានមិនដល់ ១ វិនាទីមែន។ បច្ចេកវិទ្យានេះ ត្រូវបានបំពាក់នៅគ្រប់កីឡដ្ឋានសម្រាប់ការប្រកួតទាំងអស់ ដោយប្រើប្រាស់កាមេរ៉ាចាប់រូបភាពល្បឿនលឿនបំផុតចំនួន ១៤ គ្រាប់ដើម្បីវិភាគគ្រាប់បាល់ថាចូល ឬក៏មិនចូល ហើយកាម៉េរ៉ាទាំងនោះនឹងផ្ញើលទ្ធផលមកនាឡិការបស់អាជ្ញាកណ្ដាលក្នុងពេលត្រឹម ១ វិនាទីដូចគ្នា។
២. បច្ចេកវិទ្យា VAR (Video Assistant Referee)
សម្រាប់ព្រឹត្តិការណ៍ FIFA World Cup ឆ្នាំ ២០១៨ នៅប្រទេសរុស្សី គឺជាលើកទី ២១ ហើយនៅក្នុងប្រវត្តិសាស្ត្របាល់ទាត់ពិភពលោក ក៏ដូចជានេះជាលើកដំបូងផងដែរ ដែលបច្ចេកវិទ្យាវីដេអូជំនួយសម្រាប់អាជ្ញាកណ្ដាល VAR(Video Assistant Referee) ត្រូវបានប្រើប្រាស់។ VAR ត្រូវបានគេប្រើសម្រាប់ពិនិត្យមើល នឹងឆែកឡើងវិញនូវកំហុសរបស់កីឡាករ ដែលអាជ្ញាកណ្ដាលមិនអាចសម្រេចចិត្តភ្លាមៗបាន ឬក៏សម្រាប់កែតម្រូវកំហុសក្នុងការសម្រេចចិត្តរបស់អាជ្ញាកណ្ដាលបានដូចគ្នា។
អាជ្ញាកណ្ដាលដែលកាត់សេចក្តីនៅលើទីលាន នឹងសាកសួរទៅកាន់ជំនួយការអាជ្ញាកណ្ដាល ដែលទៅពិនិត្យមើលរូបភាពវីដេអូពីខាងក្នុងមក នឹងប្រាប់មកវិញថាមានអ្វីកើតឡើងឲ្យពិតបា្រកដ ងាយស្រួលក្នុងការធ្វើសេចក្តីសម្រេចចិត្តចុងក្រោយរបស់អាជ្ញាកណ្ដាល។
៣. Electronical Performance & Tracking Systems
បច្ចេកវិទ្យាចុងក្រោយនេះវិញ ត្រូវបានធ្វើឡើងជាពិសេសសម្រាប់ ក្រុមបាល់ទាត់ទាំងពីរដែលនឹងប្រកួតគ្នាលើទីលាន។ ក្រុមការងារបច្ចេកទេស និងក្រុមគ្រូពេទ្យដែលមកពីក្រុមទាំងពីរនឹងត្រូវមានបណ្ដាញទាក់ទងដាច់ដោយឡែក ទៅកាន់ផ្នែកផ្សព្វផ្សាយ ហើយក៏មានបណ្ដាញដាច់ដោយឡែកមួយទៀត ទៅកាន់ក្រុមការងារបច្ចេកទេស ដែលកំពុងស្ថិតនៅលើទីលានផងដែរ។
ក្នុងនោះដែរ អ្នកវិភាគប្រចាំក្រុមនីមួយៗក៏នឹងទទួលបានទិន្នន័យពីការលេងរបស់កីឡាករនៅលើទីលានផងដែរ ដែលបានពីកាមេរ៉ាគ្រប់ជ្រុងទាំងអស់។ ហើយព័ត៌មាននេះអាចធ្វើឲ្យ មានភាពងាយស្រួលក្នុងការទំនាក់ទំនងគ្នាទាំងនៅក្នុងទីលានប្រកួតនឹងនៅខាងក្រៅទីលានប្រកួត៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]