យោងទៅតាមប្រភពព័ត៌មានពីគេហទំព័រកូរ៉េឆូស៊ុន ចេញផ្សាយកាលពីថ្ងៃអង្គារ ទី១៣ មីនា ឆ្នាំ ២០១២ បានឱ្យដឹងថា ៖ តួសម្តែង Jeon-Ji-hyun បានសម្រេចចិត្តផ្លាស់ប្តូរកាលបរិច្ឆេទរៀបអាពាហ៍ពិពាហ៍របស់នាងដោយសារតែជាប់រវល់នឹងការថតខ្សែភាពយន្ត ។ កាលពីថ្ងៃសុក្រកន្លងទៅនេះ ភ្នាក់ងាររបស់នាងបានប្រាប់ឱ្យដឹងថា ដោយសារតែមានការផ្លាស់ប្តូរតារាងពេលវេលាថតឈុតខ្លះៗនៅបរទេស ដូច្នេះតារាសម្តែងវ័យ៣១ឆ្នាំរូបនេះ បានសម្រេចចិត្តផ្លាស់ប្តូរ កាលបរិច្ឆេទរៀបអាពាហ៍ពិពាហ៍ពីថ្ងៃទី១៣ មិថុនា មក ថ្ងៃទី១៣ មេសា ឆ្នាំ២០១២ខាងមុខនេះវិញ ។
ទីភ្នាក់ងាររបស់នាងបានបន្តឱ្យដឹងទៀតថា អាពាហ៍ពិពាហ៍ គឺជារឿងសំខាន់បំផុតនៅក្នុងជីវិតរបស់មនុស្សម្នាក់ៗ ក៏ប៉ុន្តែតួសម្តែងត្រូវតែទទួលខុសត្រូវសម្រាប់គម្រោងដែលបានចុះកិច្ចសន្យារួចហើយ ដូច្នេះ Jeon-Ji hyun មិនចង់ធ្វើឱ្យមានភាពស្មុគស្មាញដល់ដំណើរការថតខ្សែភាពយន្តដោយសារតែអាពាហ៍ពិពាហ៍របស់នាងនោះឡើយ ។ គួរ រំលឹកដែរថា តារាចម្រៀងកម្ពស់១,៧២ម៉ែត្ររូបនេះ បានភ្ជាប់ពាក្យជាមួយលោកលីយុងហេ ចៅប្រុសរបស់អ្នកច្នៃម៉ូដសម្លៀកបំពាក់បុរាណដ៏ល្បីរបស់កូរ៉េខាងត្បូង ។ បច្ចុប្បន្នលោកលីយុង ហេ កំពុងបម្រើការងារ ក្នុងសាខាធនាគារអាេមរិកមួយនៅក្នុងប្រទេសកូរ៉េ ៕
ដោយ ៖ ធីតាកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]