ភ្នំពេញ៖ ប្រិយមិត្តជាច្រើន ជាពិសេសអ្នកតែងលេងនៅបណ្តាញសង្គមហ្វេសប៊ុកប្រាកដជាបានដឹងហើយថា កាលពីពេលថ្មីៗនេះមហាសេដ្ឋីស្រុកចិន បានមានវត្តមានមកដល់ប្រទេសកម្ពុជា ដោយបានចែកចាយនូវសម្ភារៈ ក៏ដូចជាអាហារខ្លះដល់ សាលាស្ទឹងមានជ័យ ធ្វើឲ្យមានការភ្ញាក់ផ្អើលយ៉ាងខ្លាំង។
មិនត្រឹមតែប៉ុណ្ណោះនោះទេ ការតែងខ្លួនរបស់មហាសេដ្ឋីរូបនេះក៏មិនធម្មតាដែរ ដោយលោកបានពាក់មាសស្រោចពេញខ្លួនតែងម្តង ដោយមើលទៅពិតជាមិនធម្មតានោះឡើយ។
ជាក់ស្តែង ខណៈពេលដែលមហាសេដ្ឋីរូបនេះ បានមកកម្ពុជានោះ លោកក៏បានបើកបង្ហាញតម្រៀបប្រាក់ដុល្លារជាដុំៗ ដោយបានដាក់ប្រាក់នោះជាអក្សរ «CAMBODIA » និងលុយជាច្រើនទៀតក្រាលពីក្រោម ដោយចំនួនទឹកប្រាក់ក្នុងនោះជាង១០០លានដុល្លារឯណោះ។
ក្រោយពីបានឃើញវីដេអូមួយនេះ បានធ្វើឲ្យប្រជាជនកម្ពុជា នាំគ្នាមានការភ្ញាក់ផ្អើលមិនស្ទើរនោះឡើយ ដោយមិននឹកស្មានថាមហាសេដ្ឋីរូបនេះ ហ៊ានបង្ហាញលុយផ្ទាល់ខ្លួនច្រើនសន្ធឹកសន្ធាប់បែបនេះ។
គួរបញ្ជាក់ផងដែរ ថាមហាសេដ្ឋីចិនម្នាក់នេះ ត្រូវបានគេស្គាល់ថា ជាមហាសេដ្ឋីធ្លាប់បាចលុយប្រមាណ១លានដុល្លារ ពេញផ្សារទំនើបមួយនៅក្នុងប្រទេសខ្លួន និងតែងតែធ្វើអំពើមនុស្សធម៌ជាច្រើន ពេលនេះលោកបានមកដល់កម្ពុជាជាលើកដំបូងហើយ៕
ចង់ជ្រាបច្បាស់សូមទស្សនាវីដេអូខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]