រយៈពេលតែ២ឆ្នាំសោះ នីឡា ប្រែប្រួលមួយទំហឹង

ភ្នំពេញ៖ តារាកំប្លែងស្រី កញ្ញា នីឡា កំពុងតែទទួលបានការគាំទ្រ យ៉ាងខ្លាំង ពីសំណាក់មហាជន តាមរយៈសមត្ថភាពនៅក្នុងការសម្តែង បើទោះបីជា នាងស្ថិតក្នុងវ័យក្មេងក៏ដោយ។ ជាពិសេស បច្ចុប្បន្ននេះ ក្រៅពីអាជីពអ្នកកំប្លែង រូបនាង ក៏ត្រូវប៉ាន់ ខាងថតសម្អាងការផងដែរ ដែលឧស្សាហ៍ឃើញចេញថតជាញឹកញាប់ ជាមួយនឹងតម្លៃខ្លួន ខ្ទង់ពាន់ដុល្លារ ឯណោះ។

អ្វីដែលសំខាន់ទៅទៀត បើងាកមើលរូបសម្រស់របស់តារាកំប្លែងរូបនេះ ក៏កាន់តែស្រស់ស្អាតប្លែកផងដែរ ពីមួយថ្ងៃទៅមួយថ្ងៃ ដែលធ្វើឲ្យ អ្នកគាំទ្រ មានការចាប់អារម្មណ៍ខ្លាំងទៅលើនាង។ មិនតែប៉ុណ្ណោះ បើប្រៀបធៀបសម្រស់របស់នីឡា ជាមួយនឹងសម្រស់កាលពី២ឆ្នាំមុន គឺខុសគ្នាដាច់តែម្តង នៅពេលបានឃើញរូបថត ដែលលោកប៉ានាង បានបង្ហោះ។

ចំពោះរូបសម្រស់ ដែលប្រែប្រួលបែបនេះ មិនមែនមកពី រូបនាង បានកែសម្ផស្ស ត្រង់កន្លែងណាមួយនោះទេ ដោយសារតែពេលនោះ នីឡា មិនទាន់ចេះលេងខ្លួន ទើបធ្វើឲ្យ រូបសម្រស់របស់នាង ហាក់ដូចជាផ្សេងគ្នាបន្តិច៕

តោះទៅមើលរូបថតកាលពី២ឆ្នាំ របស់នាងទាំងអស់គ្នា៖ 

• វ៉ាន់ នីឡា
• តារាខ្មែរ