នីកូ លេងស្ទីលសុទ្ធតែពាក់ស្បែកជើងបែបនេះ​ ឡើងឆាក មិនញញើតពាក្យរិះគន់

ភ្នំពេញ៖ ចាប់តាំងពី តារាចម្រៀងទម្រង់មុខដូចកូរ៉េលោក នីកូ ឈប់ធ្វើជាតារាឯករាជ្យ មកជ្រកក្រោមទ្រនំផលិតកម្មរស្មីហង្សមាសមក គេសង្កេតឃើញថាប្រជាប្រិយភាពរបស់លោក ហាក់កើនឡើងជាលំដាប់គួរឲ្យកត់សម្គាល់ខ្លាំងមែនទែន។

យ៉ាងណាមិញ ប្រិយមិត្តមួយចំនួនដែលជាអ្នកគាំទ្រម្ចាស់បទ «ថ្ងៃបែកគ្នា» រូបនេះ ច្បាស់ជាជ្រាបហើយថា គ្រប់ពេលដែលលោកឡើងឆាកម្តងៗ នីកូ តែងតែមានស្ទីលនៃការតុបតែងខ្លួនប្លែកៗមិនធម្មតានោះទេ។

ជាក់ស្តែង កាលពីថ្មីៗនេះ លោក នីកូ កាន់តែធ្វើឲ្យមហាជន ក៏ដូចជាអ្នកគាំទ្ររបស់ខ្លួន ភ្ញាក់ផ្អើលមួយកម្រិតទៀតហើយ បន្ទាប់ពីឃើញលោកបង្ហាញខ្លួនជាមួយស្ទីលនៃការតុបតែងខ្លួនមួយបែបទៀត ដោយរូបលោកបានពាក់ស្បែកជើងជ័រពណ៌ក្រហម ដែលវាពិតជាប្លែកភ្នែកខ្លាំងមែនទែន។ ម្យ៉ាងវិញទៀត សម្រាប់ស្បែកជើងមួយគូរនេះ មានមហាជនមួយចំនួនបានលាន់មាត់ថា វាពិតស្រដៀងនឹងស្បែកជើងសម្រាប់ធ្វើស្រែចម្ការថែមទៀតផង គ្រាន់តែខុសពណ៌គ្នាតែប៉ុណ្ណោះ។

ទោះជាយ៉ាងណាក្តី នីកូ តែងតែមានស្ទីលនៃការតុបតែងខ្លួនប្លែកៗជានិច្ច ដើម្បីតម្រូវចិត្តអ្នកគាំទ្ររបស់ខ្លួន។ ម្យ៉ាងវិញទៀត ចំពោះស្ទីលនៃការតុបតែងខ្លូនទាំងនេះ លោកមិនដែលញញើតនឹងពាក្យរិះគន់នោះទេ៕

តើប្រិយមិត្តយល់យ៉ាងណាដែរ? 

• នីកូ
• តារាខ្មែរ