ភ្នំពេញ៖ តារាចម្រៀងល្បីឈ្មោះប្រចាំនៅក្នុងផលិតកម្មថោនលោក កែវ វាសនា បានរៀបការជាមួយនឹងកូនស្រីអ្នកជំនួញមួយរូប កាលពីឆ្នាំ ២០១៦ កន្លងទៅ។
ហើយគិតមកដល់បច្ចុប្បន្ននេះលោក និងភរិយា ក៏មានកូនៗចំនួន២នាក់រួមកហើយ គឺប្រុសម្នាក់ និងកូនស្រីម្នាក់ ដែលសុទ្ធតែមានមុខមាត់ដ៏គួរឱ្យស្រលាញ់ កាត់ខ្សែជាកូនចៅចិនតាមភរិយាផងដែរ។
ហើយក្រោយពេលរៀបអាពាហ៍ពិពាហ៍ជាមួយគ្នារួចមក តារាចម្រៀងលោក កែវ វាសនា ក៏តែងតែមើលថែថ្នាក់ថ្នមភរិយា និងកូនៗសំណព្វចិត្តយ៉ាងល្អជាទីបំផុត ដោយទទួលបាននូវការកោតសរសើរពីសំណាក់អ្នកគាំទ្រមិនតិចនាក់នោះទេ។
ជាក់ស្តែងនៅមុននេះបន្តិច លើហ្វេសប៊ុកផ្លូវការរបស់ភរិយាលោក កែវ វាសនា ក៏បានបង្ហាញរូបភាព និងសរសេររៀបរាប់សរសើរថាលោកថា គឺជាស្វាមីដ៏ល្អម្នាក់ ដោយបានជួយមើលថែកូនទាំងពីរនាក់ ទាំងយប់ទាំងថ្ងៃក្រោយពេលសម្រាកពីការងារជាអ្នកចម្រៀង។
រកឯណាបានស្វាមីល្អបែបនេះ? ហើយក៏ជាភ័ព្វសំណាងរបស់ភរិយាលោក កែវ វាសនា ដែរ ដែលមានស្វាមីចេះបំពេញនូវភារកិច្ចរបស់ខ្លួនសម្រាប់ក្រុមគ្រួសារ បានយ៉ាងល្អដល់ថ្នាក់នេះ៕
ទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]