អាល្លឺម៉ង់៖ កីឡាករឆ្នើមរបស់ក្រុម Bayern Munich មួយរូបអាចនឹងអវត្តមានក្នុងការប្រកួតវគ្គពាក់កណ្តាលផ្តាច់ព្រ័ត្រជាមួយ Real Madrid ខាងមុខនេះ។
គ្រូបង្វឹករបស់ក្រុម Bayern Munich លោក Jupp Heynckes បានប្រាប់អ្នកសារព័ត៌មានថា កីឡាករ Arturo Vidal កំពុងត្រូវការការវះកាត់ផ្នែកខាងក្រោមជង្គង់ ក្រោយពីរូបគេបានទទួលរងរបួសបន្ទាប់ពីប្រកួតជាមួយក្រុម Borussia Monchengladbach។
គ្រូបង្វឹកវ័យ៧២ឆ្នាំរូបនេះបានបន្តថា ខ្សែបម្រើសញ្ជាតិឈីលីរូបនេះ ត្រូវការពេលយ៉ាងតិច ២ទៅ៣សប្តាហ៍ដែរដើម្បីសម្រាកឲ្យបានជាសះស្បើយ។ ទោះបីជាយ៉ាងណា គ្រូបង្វឹកសញ្ជាតិអាល្លឺម៉ង់រូបនេះជឿជាក់ថា Vidal នឹងជាសះស្បើយលឿនជាងការរំពឹងទុក។
គួរបញ្ជាក់ផងដែរថា ក្រុម Bayern Munich នឹងបើកទ្វារស្វាគមន៍ក្រុមភ្ញៀវ Real Madrid នៅថ្ងៃទី២៦ខែមេសាខាងមុខនេះ ក្នុងវគ្គពាក់កណ្ដាលផ្ដាច់ព្រ័ត្រពានរង្វាន់ UEFA Champions League៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]