អេស្ប៉ាញ៖ នៅក្នុងរដូវកាលនេះ ទម្រង់លេងរបស់ក្លិបអធិរាជស Real Madrid មិនសូវជាល្អប៉ុន្មានឡើយ ពោលពួកគេដូចជាអស់ឪកាសក្នុងការស្រវ៉ាចាប់យកពានក្នុងស្រុកបាត់ទៅហើយ។
ទោះបីជាមានទម្រង់លេងក្នុងក្របខ័ណ្ឌ Champions League ល្អយ៉ាងណាក៏ដោយ ប៉ុន្តែបើសិនជាក្លិបយក្សមួយនេះ មិនអាចឈ្នះពានធំបំផុតក្នុងទ្វីបអឺរ៉ុបមួយនេះបាន នោះតំណែងជាគ្រូបង្វឹករបស់លោក Zinedine Zidane អាចនឹងមានបញ្ហាជាក់ជាមិនខាន។
យោងតាមសារព័ត៌មានមួយចំនួន អ្នកចាត់ការទូទៅរបស់ក្លិប Liverpool លោក Jurgen Klopp កំពុងស្ថិតក្នុងនាមបេក្ខភាពមួយ ដែលមានការទាក់ទាញចំណាប់អារម្មណ៍យ៉ាងខ្លាំងពីសំណាក់ក្លិប Real Madrid ។
Klopp បានក្លាយជាគោលដៅរបស់ក្លិប Madrid ក្រោយពីគ្រូបង្វឹករូបនេះបានបង្ហាញពីបទពិសោធន៍យ៉ាងល្អនៅក្នុងក្របខ័ណ្ឌធំៗក្នុងតំបន់អឺរ៉ុប ជាមួយនឹងក្លិប Borussia Dortmund និង Liverpool ដូច្នេះគេសង្ឃឹមថា បើសិនជា Zidane ត្រូវបានបណ្តេញចោលមែន នោះគ្រូបង្វឹករូបនេះនឹងអាចចូលមកសាងប្រវត្តិសាស្ត្រជាបន្តទៀតក្នុងក្លិប Real Madrid ៕
ប្រភព៖ Daily Mail
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
