រាជធានីភ្នំពេញ ៖ រថយន្ដបាឡែន ពណ៌ទឹកប្រាក់ មួយគ្រឿងបុករបងសង្ក័សីហ៊ុមព័ទ្ធដីឡូត៍ប៉ើងរាយប៉ាយរួចជ្រុលទៅ បុកជញ្ជាំងផ្ទះប្រជាពលរដ្ឋនៅជាប់របងដីឡូត៍នោះ បណ្ដាលឱ្យបាក់មួយផ្ទាំង៥ម៉ែត្រ កាលពីវេលាម៉ោង១១និង៤៤នាទីយប់ថ្ងៃទី១១ មីនា នៅតាមផ្លូវលេខ៣៣៧កែងផ្លូវលេខ៥៩៨ សង្កាត់ភ្នំពេញថ្មី ខណ្ឌសែនសុខ ។
ប្រភពព័ត៌មានពីកន្លែងកើតហេតុបានឱ្យដឹងថា រថយន្ដកាមរីបាឡែន ពណ៌ទឹកប្រាក់ បើកតាមផ្លូវ៣៣៧ ពីកើតទៅលិច ខណៈមកដល់ផ្លូវកែង៥៩៨ បត់ឆ្វេងក៏ជ្រុលទៅបុករបងសង្ក័សីដែលហ៊ុមព័ទ្ធដីឡូត៍មួយ កន្លែងបណ្ដាលឱ្យខ្ទាតរាយប៉ាយ រួចជ្រុលទៅបុកជញ្ជាំងផ្ទះប្រជាពលរដ្ឋនៅជាប់របងនោះដែលរៀបឥដ្ឋ មិនទាន់បូកនៅឡើយ បណ្ដាលឱ្យបាក់មួយផ្ទាំងប្រមាណ៥ម៉ែត្រ ហើយរថយន្ដបង្កបើករត់គេចបាត់ស្រមោល៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
