អ្នកគាំទ្រចាប់អារម្មណ៍ថា កាលPope នៅពីក្មេង មុខស្រដៀង តារាប្រុសខ្មែរម្នាក់

ភ្នំពេញ៖ បច្ចុប្បន្ននេះ Pope Thanawat កំពុងតែក្លាយខ្លួនជាតារាប្រុសដែលល្បីឈ្មោះខ្លាំង ក្នុងសិល្បៈថៃ បន្ទាប់ពីលោកបានសម្តែងជាតួឯកប្រុសក្នុងរឿងភាគបុរាណដ៏ល្បី រឿង «បុព្វេសន្និវាស» ជាមួយនាង Bella Ranee។

យ៉ាងណាមិញ ទន្ទឹមនឹងសន្ទុះប្រជាប្រិយភាពរបស់កម្លោះសង្ហារូបនេះកំពុងកើនឡើង អ្នកគាំទ្ររបស់លោកជាច្រើន តែងតែតាមដានរាល់សកម្មភាព ដែលលោកតែងតែបង្ហោះនៅក្នុងបណ្តាញសង្គមជានិច្ច។

ស្របពេលជាមួយគ្នានេះដែរ កាលពីថ្មីៗនេះ នៅក្នុងគណនីអ៊ីនស្តារក្រាមរបស់ Pope បានបង្ហោះរូបចំនួន២សន្លឹក កាលពីលោកនៅក្មេង ដែលធ្វើឲ្យអ្នកគាំទ្រលាន់មាត់សរសើរ ពីមុខមាត់ដ៏សែនសង្ហា កាលពីនៅវ័យក្មេងរបស់លោក។

ដោយឡែក សម្រាប់រូប២សន្លឹកនោះផងដែរ បែរជាបង្កភាពភ្ញាក់ផ្អើលយ៉ាងខ្លាំង ដល់អ្នកគាំទ្រខ្មែរទៅវិញ ព្រោះមិននឹកស្មានថា មុខមាត់របស់ Pope Thanawat កាលពីនៅក្មេង បែរជាមានមុខមាត់ស្រដៀងនឹងតារាសម្តែងវ័យក្មេងដែលកំពុងមានប្រជាប្រិយភាព មួយដួងឈ្មោះថា ទីន ទីន ហៅចិត្រាតូច។

ជាងនេះទៅទៀតនោះ សម្រាប់រូប Pope កាលពីក្មេង បើសិនមើលមួយភ្លែត ដោយមិនបានប្រាប់ថាជា Pope នោះ គឺច្បាស់ណាស់អ្នកគាំទ្រខ្មែរ ប្រាកដជាគិតថាជា ទីនទីន ជាមិនខាននោះទេ៕

តើប្រិយមិត្តយល់យ៉ាងណាដែរ?

• ទីនទីន
• តារាខ្មែរ
• តារាថៃ