បារាំង៖ ក្នុងពេលធ្វើការប្រកួតជាមួយក្រុម Marseille កាលពីថ្ងៃអាទិត្យ កន្លងទៅនេះ ខ្សែប្រយុទ្ធឆ្នើមរបស់ក្លិប Paris Saint-Germain កីឡាករ Neymar Jr បានរងរបួសដ៏ធ្ងន់ធ្ងរ ដល់ថ្នាក់បាក់ឆ្អឹង.កជើង។
យ៉ាងណាមិញ ក្នុងពេលនេះ ក្លិបអ្នកមាននៅបារាំង PSG បានបង្ហើបឲ្យដឹងថា របួសរបស់ខ្សែប្រយុទ្ធសញ្ជាតិ ប្រេស៊ីលរូបនេះ មានលក្ខណៈធ្ងន់ធ្ងរយ៉ាងខ្លាំង រហូតដល់ថ្នាក់ត្រូវទទួលការវះកាត់ជើងរបស់គេ នៅសប្តាហ៍នេះទៀតផង។
បើយោងតាមសេចក្តីថ្លែងការណ៍មួយ នៅលើវេបសាយផ្លូវការរបស់ក្លិប PSG បានប្រាប់ថា៖ «កីឡាករ Neymar Jr បានសម្រេចចិត្តថា រូបគេនឹងធ្វើការវះកាត់ ក្នុងប្រទេសប្រេស៊ីល នៅចុងសប្តាហ៍នេះហើយ» ។
គួរឲ្យដឹងផងដែរថា កាលពីប៉ុន្មានថ្ងៃមុននេះ អ្នកចាត់ការក្លិប PSG លោក Unai Emery ក៏បានលើកឡើងដែរថា កីឡាករ Neymar អាចនឹងមានឱកាសតិចតួច ដើម្បីបង្ហាញខ្លួនក្នុងការប្រកួតជើងទី២ ទល់នឹងក្លិប Real Madrid ។ ប៉ុន្តែក្នុងពេលនេះ គឺច្បាស់ការហើយថា Neymar នឹងមិនមានវត្តមាន ក្នុងការប្រកួតដ៏សំខាន់មួយនេះឡើយ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
